一直都好渴望被愛，我諗係自細係屋企得唔到愛，好想有一個人無條件地愛我支持我認同我包容我，21歲已經拍過3次拖，經歷都唔太好，雖然唔係因為出軌定咩好嚴重既事，但畢竟投放過心力落去點都好傷害，覺得自己好似又一次比人拋棄，去到依家感覺好似已經麻木左，身邊有對自己好既男仔，feel到佢都好鍾意我，但係我對佢完全冇感，甚至覺得同佢一定唔會有可能，好矛盾，萬一真係遇到鍾意既人，我諗我都未必會同佢開始，有時網上見到啲po/出街見到啲情侶拖手/攬/錫，我會覺得好陌生，而係屋企見到家姐有咁好既男朋友又會令我好羨慕，佢地已經去到係未來幾年會結婚既地步，有時我地會一齊去玩，搭車果陣佢地就會一齊坐一齊傾計，而我冇男朋友就要自己一個坐，好似有啲孤單，而我細妹都有男朋友，所以全家人入面得我係冇男朋友，呀媽成日話係緣份未到，我都明既，不過都擔心有冇可能果個人尼世都唔會出現？又或者等佢出現等等下就已經過完尼一世
我自己感覺到我依家仲未係時候拍拖，但同時我又渴望尼樣野，真係好矛盾 成日都想搵人算下命睇下我真命天子幾時會出現 好白痴
你好啊
明白有時候喺感情路上會感到受挫敗，唔再相信感情
有時見到身邊嘅人拍梗拖，難免都會感到孤單，但咁唔代表我地嘅價值嘅！如果自己未ready好，或者對對方無感覺，但都照樣開始一段感情，對大家都未必係好事。
但係點樣先算ready好呢？係咪只能好被動咁等真命天子岀現呢？我相信唔係嘅，好老土地講句要人愛，先要愛自己，當你對自己感到自信時，亦都會改變你散發出嚟嘅氣質同魅力。見到都想遇到「真命天子」，或者可以諗吓對你講，咩係啱嘅人？如果能夠釐清自己對於另一半或者感情嘅期望，相信會無咁confused嘅~