好擔心懷孕

有食開24+4事前避孕藥,食緊第二包,而家係嚟到第二包嘅白色冇藥效藥丸嘅第一粒藥丸,但係正常嚟講今日唔係應該嚟M咩,但係今日冇嚟M,好擔心懷孕

你好,首先唔知你剛開始食避孕藥時,頭7日係性行為時有無做額外既避孕措施?如果有,就應該唔會有太大既懷孕風險,但如果無就有機會有懷孕可能,因為係剛開始服食避孕藥時,身體未咁快建立到避孕能力,所以係有懷孕風險。
若果排除呢D因素,你只係剛剛食緊第2盒,周期有機會未咁怏變得好準確,所以都有機會係遲黎,你可以睇下呢兩日會唔會有月經到,或者可以自行驗孕睇睇結果,確定一下有無懷孕,就可以安心D!

第二包嘅頭七日的確冇做另外嘅避孕措施,因為我以為喺第一包嘅頭七日已經建立咗藥效,係咪即係話我而家懷孕風險極高?

hello你好啊
無錯啊,見到你已經食到第二盒藥,所以身體已經建立咗藥效,而不規則岀血都係啱啱開始食避孕藥嘅常見副作用嚟嘅,通常兩至三個月就會消失,因為身體都需要時間建立藥效,所以未必一到停藥就有月經嘅。可以跟番平時食藥嘅schedule,每日準時食藥,唔需要特別停藥,不過如果依個情況持續,都建議可以諮詢醫生,由醫生判斷你食緊嘅避孕藥適唔適合你,或者有無轉藥嘅需要。

係到都想了解係食避孕藥之前有冇睇過醫生,因為唔係個個人嘅身體狀況都適合服用避孕藥,例如有心臟問題、糖尿病、高血壓、免疫系統問題、肝臟問題嘅人就通常唔建議食避孕藥,而且市面上有好多唔同牌子/款式嘅避孕藥,每款含有嘅荷爾蒙成份同劑量都唔同,所以建議第一次服用避孕藥之前,要睇吓醫生,等醫生幫你檢查下你嘅身體狀況係咪適合食,同埋適合邊一款藥。家計會/母嬰健康院/某啲私家診所都有提供呢個嘅服務,你有需要嘅都可以去預約㗎。

最後想同你解釋返避孕藥嘅原理先,避孕藥係透過耶穌荷爾蒙去抑制排卵,改變子宮頸黏液嘅黏稠度,同埋改變子宮來摸環境,從而達致避孕嘅功效。所以係避孕藥嘅影響下,唔會好似平時月經咁,因為身體周期性荷爾蒙變化、排卵、然後未受精嘅卵子連同子宮內膜喺月經期間排出體內;服藥期間出現嘅月經其實係撤退性出血。

即係話我而家未嚟M,可能因為避孕藥嘅副作用而唔係懷孕嗎?

Hello

明白對於懷孕好擔心啊,都可以考慮驗孕嘅,相信望到驗孕結果都會令的放心啲,你可以喺性行為嘅7日之後驗一次,咁就會有初步結果;喺性行為嘅11日或之後再次驗孕,就可以得到更準確嘅結果。因為hCG嘅分泌會隨著懷孕嘅日子增加。所以你於愈後嘅日子驗孕,就會因為體內嘅hCG會愈多,而愈容易得到準確嘅驗孕結果