穩定食咗避孕藥已經超過咗八個月
每次嚟M都算係好準時
而且食藥時間都係keep住每晚同一時間食
間唔中有一兩日可能會早啲1小時或者遲一兩小時
但都冇試過遲多一日甚至食少一粒
每次性行為都係內射
除咗上個月突然間一個月嚟咗兩次M
第一次係喺月經後14日，避孕藥嘅第16日突然嚟M
嚟咗10日左右，然後又係白色藥丸最尾一粒再嚟多次
嚟咗四日M
其實食咗咁耐 避孕效果係咪已經好充足？
同埋其實食紅色嘅時候 唔係應該唔會嚟M嘅咩
好奇點解會喺紅色嘅時候嚟咗M
你好，由於你已經穩定服用避孕藥超過八個月，而且每次都準時，咁既情況下，避孕效果是係非常高的。不過避孕藥通常會改變你的月經週期，令佢變得更加規律，但係偶爾都會有機會有不規則出血，例如：中途出血或月經週期改變，也有可能發生，尤其是服用避孕藥初期或是身體對藥物有反應既時候。你提到上個月突然間一個月來兩次月經，其中一次係服用避孕藥第16天，呢次可能係中途出血。呢種情況係並不罕見，建議你繼續觀察月經情況，記錄下來。如果呢種不規則出血情況持續或變得更加頻繁，建議要去諮詢醫生，檢查係咪需要改變避孕藥種類或劑量。
明白了，所以其實突然出血不是其中一個令避孕效果出現問題的情況對不對？代表別人功效仍然很高是嗎？
你好啊
見到今次情況唔係第一次岀現，過往亦出現過食梗有藥效藥丸時出血，加上你已經食咗一段時間避孕藥，所以依個情況都唔理想嘅我地都建議可以睇醫生，由專業醫療人士診斷返你身體嘅狀況。
係到都想了解下食避孕藥之前有冇睇過醫生，因為唔係個個人嘅身體狀況都適合服用避孕藥，例如有心臟問題、糖尿病、高血壓、免疫系統問題、肝臟問題嘅人就通常唔建議食避孕藥，而且市面上有好多唔同牌子/款式嘅避孕藥，每款含有嘅荷爾蒙成份同劑量都唔同，所以建議第一次服用避孕藥之前，要睇吓醫生，等醫生幫你檢查下你嘅身體狀況係咪適合食，同埋適合邊一款藥。家計會/母嬰健康院/某啲私家診所都有提供呢個嘅服務，你有需要嘅都可以去預約㗎。
我係第一次出現咁嘅情況
所以其實只要每日按時食藥
沒有嘔吐肚瀉
藥力就已經很足夠對不對
中途出血並不是代表藥力出現問題問？
Hello~如果跟足指示食藥，咁藥效就好充足嘅，純粹注意唔好同西柚汁一齊服用，呢樣就會影響藥效；同埋如果唔舒服求醫時，要同醫生講有食緊事前藥，以免藥物影響避孕功效。其實出血係因為荷爾蒙水平嘅浮動升跌有關，而服用避孕藥期間都偶爾會出現呢種情況，所以唔需要太擔心。
係咪白色嗰4粒無藥效就會令徹退性出血？
冇錯啊，當你食白色嗰幾粒冇藥效嘅藥丸嘅時候，荷爾蒙水平就會改變，所以就會出現撤退性出血啦