性行為問題

我月經周期第15日有發生性行為,全程都有戴套,之後發現有出血下腹有少少痛,第二日有啲蛋清分泌物同血絲第三日冇事,咁嗰日係唔係排卵期?
跟住今日係周期第25日男朋友係冇分泌情況下無套插左幾下,跟住之後都係有帶套做,咁樣懷孕嘅機率大唔大:smiling_face_with_tear:

如果出血嗰日係排卵咁係咪冇懷孕機會

Hello​:ok_woman:t2:如果喺發生性行為之後冇出現唔舒服嘅情況,例如感覺到陰道疼痛,咁出血同埋分泌物嘅情況就有機會係排卵期分泌物,但因為唔係所有女性都會出現排卵期分泌物,所以如果身體有唔舒服嘅情況都建議去睇醫生。

至於周期第25日嘅性行為,根據你嘅描述,意外懷孕嘅機會比較低,因為其實性器官只要有直接接觸就有意外懷孕機會,但如果男朋友係冇分泌物嘅情況之下進行插入式性行為,機會就比較低,但都建議下一次發生性行為嘅時候,需要整個過程都佩戴安全套。

你好 我到而家都仲未嚟月經睇咗中醫開咗啲催經藥 但係今日先至有好少好少嘅血絲係咪已經懷孕咗:sweat:同埋我呢10幾日都keep住胸部好脹 下腹都唔舒服但係一直都冇嚟月經

Hello, 明白你嘅困擾同擔心,遂一回應你嘅提問。

驗孕係一個最直接知道有冇懷孕嘅方法。驗孕棒嘅原理係透過檢測尿液中嘅hCG (人絨毛膜促性腺激素)含量,當受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果,而係11日後驗孕結果就更加準確。因為hCG嘅分泌會隨著懷孕嘅日子增加。所以你於愈後嘅日子驗孕,就會因為體內嘅hCG會愈多,而愈容易得到準確嘅驗孕結果 。

而懷孕初期出血又叫「著床性出血」,一般著床性出血嘅血量較少,顏色較淺,可能會少至只有一滴血,部分人可能血量會多少少。血量係護墊可以承載嘅血量,通常只會一日內一瞬間流完,並唔會似月經咁持續黎4-5日。

月經遲嚟或者未到有好多因素影響,例如荷爾蒙水平、生活習慣改變、心理壓力大、生病服食過藥物、長期處於擔心嘅狀態、壓力等。如果係無懷孕嘅情況下,有3個月月經未嚟,建議盡早睇醫生同檢查。

至於你提到嘅身體不適有機會係因為經前不適,令到你胸部脹痛、下腹唔舒服嘅感覺以及難唞氣、有啲分泌物,隨著月經出現,經前症狀就會消退嘅。而經前不適其實由好多因素造成,例如生病、休息不足、荷爾蒙變動、壓力等等。宜家可以觀察住先,如果身體唔舒服嘅情況持續就要睇醫生檢查啦。