每次做完陰部都會發炎，但過兩三日就冇事
之前去睇婦科，個醫生淨係講我發炎開咗啲消炎藥就算
又有人講係念珠菌，好想解決呢個煩惱！
你好啊，請問你地性行為時有冇事前事後清潔？或者你有冇對乳膠安全套過敏？
我有遇過一個女仔，佢都係同你情況一樣，每次做愛之後都發炎，後來發現自己是因為感染了衣原體所以陰道特別容易病。
如果成日都係做完愛先發炎，都有可能係男方亦有引起發炎的細菌或病原體。可以的話大家可以先沖涼，洗乾淨之後先做愛。下次發炎要再睇醫生，可以帶埋男朋友去一齊睇。
冇啊
咁點算？好驚啊
可以去邊度檢查？有冇一啲便啲嘅？
同埋我想問關唔關做幾多次咖？
你之前睇開嘅醫生已經可以。你問有關次數嘅問題，如果其中一方有致病細菌，有頻密性行為係有機會有反覆感染，比較難好返。可以的話係你（或者）雙方都好返前，暫時忍一忍。
1個讚
別太擔心，我所說的衣原體只是個別因為性傳染病的個別例子，我想說的是你要多留意做愛時的衛生。我建議你去婦科或者家計會做一次培菌，搞清楚係咩細菌，針對性治療。
另外如果你是念珠菌感染，要減少吃糖份，因為念珠菌喜好糖份高的環境，容易滋生。
同埋有時候d細菌會對你用的消炎藥產生抗體，醫生開給你的藥會時不時換新藥嗎？
我上一次睇嘅醫生要$1000
佢只係俾咗消炎藥我
之後我就冇再去睇
太貴
婦科專科係好貴架！我上次係去私家醫院睇，大概都係1000，不過有培菌同埋一個療程的抗生素和藥膏。
如果想平d，都係去家計會或者衛生署屬下的保健中心，會幫到你。
係咪一定要預約咖？有冇得即刻睇咖？
我男朋友要翻工驚就唔到時間
你意思係你男朋友想陪你一齊睇醫生？
係啊，有事兩個一齊醫會好啲
私家醫院有得即刻睇，但係政府或者機構服務就要預約啦。
衛生署婦女健康服務：
http://www.fhs.gov.hk/tc_chi/centre_det/cent_pwhs/cent_pwhs.html
家計會青少年服務中心（26歲以下的青少年）：
http://www.famplan.org.hk/fpahk/zh/template1.asp?style=template1.asp&content=services/clinic/services.asp&nscref=19
呢兩間都要預約？
要預約的，而且服務是針對女性。
另外家計會也有提供男士的健康服務
http://www.famplan.org.hk/fpahk/zh/template1.asp?style=template1.asp&content=services/clinic/services.asp&nscref=9
唔可以一齊睇？
衛生署標明女性就應該冇得一齊睇，家計會可以打去問下先，睇下佢哋安唔安排到，你之前睇係咪都係一齊？
唔係啊，之前我係自己一個睇