用condom嘅時機

應該男朋友一勃起就戴?
因為如果插之前先至戴嘅話,可能前戲嘅時候都會接觸到尿道球腺液
除非佢唔除褲:rofl:
但係就發現咗一個問題
如果中途軟咗,其實會唔會有影響
因為我哋前戲都比較長,廿幾三十分鐘都唔出奇,好難keep住一直勃起(而且咁樣一直充血應該都會唔好?)
所以佢會軟下硬下軟下硬下
於是我就想問下如果呢個情況其實對condom有冇影響
定係只要make sure冇鬆脱就得
Thank you:ok_woman:t2:

Halo​:rofl:基本上你前面講嘅都無錯,最好嘅做法係全程性行為嘅過程都有戴上安全套。

所以最理想嘅做法就好似你所講,由陰莖勃起時就開始用;因為陰莖喺性興奮時已經會有含精子嘅分泌物(尿道球腺液),如果呢個時候直接接觸到陰道就有機會造成懷孕。而全程都使用安全套就可以確保減少意外懷孕嘅可能性。雖然前戲時嘅性行為,大部分都無直接接觸到對方陰部,而令意外懷孕嘅可能性較低;但其實就算前戲時用安全套亦有減少傳染性病嘅功用。所以我都一般嚟講都建議,最正確同最安全嘅做法就係全程使用。

大致嚟講,的確只要確保安全套喺性行為期間無穿、冇甩同冇爛,就已經可以。但如果你地平時嘅前戲都真係比較耐,而另一半又容易係前戲期間會軟咗嘅,咁可能都可以考慮用係做插入式性行為前換另一個安全套;又或者用唔同款式嘅安全套,例如口交膜或指套等。咁樣可以避免出現因安全套上原有嘅潤滑劑乾咗,而令安全套容易受損等情況發生。

:bowing_woman:t2:原來安全套上原有嘅潤滑劑乾咗係會令安全套容易受損嘅
如果自己加返啲水性潤滑劑得唔得?
定一定要換一個新嘅
抑或唔止係講緊出面?連入面都計?
但入面唔會再加到潤滑劑㗎啦嘛:rofl:如果連入面乾咗都會令到佢容易受損嘅話,就即係一定要換

講開安全套上原有嘅潤滑劑,想問下其實係咩潤滑劑嚟
唔會係油性啦(因為同condom係唔match㗎嘛)
但係摸落又唔似水性
(有一種嚡熠熠?戴住嗰陣可能冇咁明顯
但男朋友除咗之後再摸佢(呢個佢唔係講個condom:rofl:
係會feel到唔滑?:rofl:唔識點樣準確形容 總之就係有一種阻力 感覺friction比起乜都唔用嗰陣甚至更加大)
係喺家計會買嘅,即係Durex紅色個種

最後就係其實每次性行為應該點樣避免整污糟張床
我嘅意思係驚啲潤滑劑掂到張床,應該成張床都鋪毛巾 :rofl:定係應該點

唔好意思,又問多咗三樣嘢添,麻煩晒:pray:t2:

Hello, 多謝你嘅提問呀~

首先講下安全套上嘅潤滑劑可能係水性/矽性潤滑劑,主要有以下幾個重要作用:

  1. 減少摩擦,防止安全套破損。潤滑劑能夠減少性行為過程中陰莖與陰道之間嘅摩擦,除左增加舒適度,仲可以降低因摩擦導致安全套破裂嘅風險,從而增加其有效性和安全性。

  2. 增加舒適度。潤滑劑可以讓雙方係性行為中感到更加舒適,減少乾澀引起嘅不適感,從而提高性行為嘅愉悅度。

  3. 延長持久性。部分潤滑劑特別係矽性潤滑劑,能夠持久保持潤滑效果,避免係較長時間嘅性行為中潤滑劑迅速乾涸。

如果安全套上嘅原有潤滑劑乾左,建議使用水性潤滑劑。水性潤滑劑唔會對安全套造成損害,而且可以增加滑順度,減少摩擦力,從而減少破損的風險。

如果你發現安全套表面已經變得非常乾燥,最好都係更換一個新嘅安全套。咁係因為潤滑劑乾左可能意味著安全套本身已經受損或過期。

家計會出售嘅Durex安全套上嘅潤滑劑一般係矽性潤滑劑。尼種潤滑劑持久性好,唔容易乾,但有時候摸起來會有一啲黏滑嘅感覺。除左矽性潤滑劑仲有水性潤滑劑同油性潤滑劑,水性潤滑劑係安全套最常用嘅潤滑劑,唔會損壞安全套。而油性潤滑劑會破壞乳膠安全套嘅結構,從而增加破損的風險,所以唔可以用係乳膠安全套。

而避免弄髒床單可以咁做:

  1. 鋪一條大毛巾或防水墊係床單上,可以防止潤滑劑同其他液體弄髒床單。

  2. 可以考慮購買專用嘅防水床單保護墊,咁樣可以更方便清洗同保護床墊。

  3. 準備一啲濕紙巾或乾紙巾,係需要嘅時候隨手擦拭,這樣都可以減少弄髒床單嘅機會。

希望呢啲建議對你有幫助~