關於漏服避孕藥

你好,本人已服優越避孕藥有三個月,剛剛開新一盒(即第四個月)第二週第9、10兩日忘了服藥,已在第11和12日連續兩日每日補服兩片,其後每天繼續服一片….如是者隔了三天開始流啡直到今天已有一個星期了….請問係咪正常?我應否停服?謝謝

Halo 就咁聽你應該都好擔心:smiling_face_with_tear:你可以再觀察多幾日,然後留意下你流啡嘅情況,再決定要唔要睇醫生吧。

你之前食咗3個月有無咩特別情況出現?因為我見你早排嘅食藥習慣都有少少改變,有可能係因為早前漏食藥,或者因食藥規律改變而導致流啡嘅情況出現。不過始終唔係停藥期時出現呢個情況,所以建議你都先繼續觀察多幾日,留意下身體有無其他情況。

不過因為流啡都可以係一啲婦科病嘅病徵,所以如果呢個星期你都仲一直出現流啡嘅情況,就可能要見醫生,諮詢下佢地意見,睇下會唔會係有無其他身體情況了,咁就會比較好啲。