關於事前避孕藥

hii 我而家食緊第一盒嘅28粒事前 係由黎m嘅第一日開始食 而家已經食左16日 但係仲有少少血 請問有冇問題:smiling_face_with_tear::pray:t2:

同埋我呢盒係21+7粒 而家仲有4日就開始食白色嘅藥丸 睇說明書話係食緊白色藥物嘅期間黎m 但係計返我應該仲有成兩個幾禮拜先黎 想問我係應該照食定係點:face_holding_back_tears:照食嘅話藥效會唔會有咩影響

同埋想問喺食緊嗰7粒白色藥丸嘅時候係唔係都有避孕作用架?

Halo​:wave:t3:關係第一個問題,想問多少少,「你仲有少少血」嘅意思係你月經到依家呢16日都仲有經血嗎?你本身未食藥前有試過出現呢啲情況,同埋第一次食藥前有無醫護人員檢測過呢?如果你係第一次出現呢啲情況,建議都查詢醫生做一次檢查會比較妥當。

另外,你依家服用避孕藥嘅方法正確呀!第一次食藥嘅話由月經嚟嘅第一日就開始食,每日定時服用一粒,正常嚟講食到無藥性嘅白色藥丸時就會嚟下一個月經,直至食哂為止;係食哂第一排後就可以立即開始食新嘅第二排了。不過初期服用避孕藥時,經期的確有機會會出現不規則嘅情況,但只係暫時性嘅現象,但如果情況持續,就應該要諮詢醫生意見了。

最後,正常上面所講,個7粒白色藥丸的確係無藥性;不過,個段月經期間仍然係有避孕嘅效果嘅,所以唔洗太擔心,只要食完一包,即刻開第二包嚟食,就可以繼續延長避孕效果。(同唔會好似第一次食藥個時咁,需要首星期嚟建立避孕效果。