事後丸 分泌物

hello 我21號食咗事後丸
呢幾日(26-29號)有啲蛋白狀嘅透明分泌物
本身app預計19-25排卵期 24號排卵日
咁嘅話會唔會係事後丸推遲咗我個排卵期
所以而家先至係排卵期?
因為平時排卵期左右都會有蛋白狀分泌物

Hello 首先要問清楚先,你21號食嘅事後丸係咪喺合法途徑(即係經過醫生處方),同埋喺時限之內食(即係性行為後72或者120小時內),食完之後亦都冇嚴重嘅屙嘔?

如果係嘅話,基本上就唔使擔心,因為事後藥嘅成效都好高,唔需要太擔心會懷孕。

仔細咁講,事後丸嘅作用係透過大量嘅荷爾蒙抑制排卵,同時亦會令子宮頸嘅黏液增多,阻止精子通過子宮頸進入到子宮,避免精子同卵子結合。另外,都會令子宮內膜增厚,令受精卵無法係子宮壁內着床,因此只要係指定時間內食事後丸,都可以做到緊急避孕嘅效果嘅。不過當然,唔安全嘅性行為之後愈快服用效果愈好。而好似我上面咁講,就算身體已經排咗卵都好,事後丸都可以透過令子宮頸嘅黏液增多,阻止精子通過子宮頸進入到子宮,避免精子同卵子結合。

所以只要喺時限內食咗事後丸,又冇屙嘔,都唔使太擔心。

希望幫到你

我事後三個鐘去咗私家診所攞藥食 冇屙冇嘔

同埋都想問吓除咗用排卵紙check幾時排卵日之外
可唔可以用分泌物嚟確認自己排咗卵未
我平時月經週期中間會有一日有黏稠嘅分泌物
前後都會有啲蛋白狀透明嘅分泌物

我哋係可以藉由觀察身體嘅變化狀況,判斷自己係咪進入排卵期。例如陰道分泌物增加,或是基礎體溫(Basal body temperature,BBT) 偏高等等,都是排卵期嘅徵兆。

不過排卵期同經期一樣,可能會因為作息、壓力、病痛等有變化,如果想初步準確少少,可以用排卵試紙或者排卵棒做測試。因為排卵期唔係我哋可以準確用肉眼預測到,而高溫或分泌都只係排卵期一啲可能出現嘅狀況,亦唔等於一定係排卵期,要準確知道排卵期,都係需要搵醫生檢驗先可以準確知道的。

我尋日下晝白帶有一條好幼嘅血絲
但係之後就冇再出過血
會唔會係著床出血

Hello~見你喺限時内服用咗事後藥,亦無痾嘔症狀,咁可以放心,係有效避孕嘅~~

血絲有機會係因為事後藥含有高劑量嘅荷爾蒙,所以短期內會影響月經嘅穩定性,可能早到或遲到,亦有機會有少量出血狀況,所以唔需要太擔心。