會唔會中咗?

上個禮拜六check過冇事,但禮拜六同今個禮拜二都有進行過性行為,理應係30號黎M(我用個啲推測黎m嘅app),但而家仲未黎M,前幾日有啲肚漲氣同胸腫,但而家冇肚漲,得胸腫。會唔會有事:smiling_face_with_tear:

hello你好

見到係上星期六進行過驗孕,結果只能反映上星期六嘅7-11日前所發生嘅性行為無導致懷孕。唔知今個星期兩次嘅性行為有無使用任何避孕措施呢?如果有正確使用安全措施,可以大大減低懷孕機會嘅~

你可以喺最後一次性行為嘅7日之後驗一次,咁就會有初步結果;喺性行為嘅11日或之後再次驗孕,就可以得到更準確嘅結果。因為hCG嘅分泌會隨著懷孕嘅日子增加。所以你於愈後嘅日子驗孕,就會因為體內嘅hCG會愈多,而愈容易得到準確嘅驗孕結果。

明白身體突然嘅改變會令人好擔心,唯一可以客觀地判斷自己係咪懷孕嘅方法就只有驗孕。另外月經周期受好多唔同因素影響,包括情緒壓力、生活作息,唔係上個月6號嚟,今個月就一定同樣都係6號嚟咁嘅~

另外留意到最後一次性行為係今個星期二,可以去家計會/母嬰健康院/普通科門診/婦科診所睇醫生攞事後丸。事後丸有分72/120小時兩種,而愈快服用效果愈好。要留意後丸喺香港係屬醫生處方藥物 ,係唔能夠於藥房/個人用品護理店購買得到。

同你講返事後丸嘅原理先:事後丸含有高劑量人造荷爾蒙,透過唔同嘅途徑去緊急避孕,包括:抑制排卵、增加子宮頸黏液分泌令精子難以通過、改變子宮腔環境令受精卵難以著床