好擔心😭yaz食錯一問

你好,我已經食yaz食到第四個月,一直都有準時冇漏過,本身我應該喺29/5(day25)食第一粒白色藥丸,但係我唔記得咗。

之後急得滯,係啱啱好二十四小時30/5食咗一粒粉紅色藥丸(本身應該要食第二粒白色day26)

之後琴日30/5有不安全性行為,依家好擔心,有啲驚中招 同剩低嗰兩日(day27&28)唔嚟m

請問我呢個情況會增加懷孕機會嗎?

同埋我食完最後兩粒白色之後係唔係應該直接繼續開一排新嘅(開始繼續紅色)就算佢未嚟M我都照繼續食落去?

唔該晒:sob::sob::sob::pray:t2:

hello你好啊

首先想解釋多少少,避孕藥係通過人造荷爾蒙去抑制排卵,改變子宮頸黏液嘅粘稠度,同埋改變子宮內膜環境,從而達致避孕嘅功效。所以,喺避孕藥嘅影響下,唔會好似平時月經咁,因為身體週期性荷爾蒙變化、排卵、然後未受精嘅卵子連同子宮內膜喺月經期間排出體外;服藥期間出現嘅「月經」其實係「撤退性出血」,即係服用活性藥物(粉紅色藥丸)期間,有荷爾蒙,而停藥/服用非活性藥丸(白色藥丸),其實冇荷爾蒙成份,而呢個荷爾蒙變化(下降)就會令到子宮內膜脫落,出現出血現象,依粒藥嘅目標係維持每日準時食藥嘅習慣,。之後開第二排就會令到荷爾蒙水平再次上升,達到避孕嘅效果。

所以如果下次漏食咗白色藥丸,嗰日唔食都係對身體同藥效冇影響,只要唔係漏食粉紅色藥丸(活性藥物)就得。

至於有關懷孕機會方面,因為你都已經食咗4個月避孕藥,身體已經建立咗藥效,即使係食白色藥丸嘅時候,身體都會有藥效嘅,不過因為食多咗一次粉紅色藥丸,有可能會影響身體嘅荷爾蒙水平,下一次嘅月經可能會延遲~

感受到你嘅擔憂,你可以喺最後一次性行為嘅7日之後驗一次,咁就會有初步結果;喺性行為嘅11日或之後再次驗孕,就可以得到更準確嘅結果。因為hCG嘅分泌會隨著懷孕嘅日子增加。所以你於愈後嘅日子驗孕,就會因為體內嘅hCG會愈多,而愈容易得到準確嘅驗孕結果,相信望到結果都會令你放心啲嘅~

最後你講得無錯,即使未有月經,都需要按照原本食藥嘅schedule服食避孕藥~

1個讚

太好了!唔該晒你嘅解答:sob::pray:t2:

1個讚