會唔會有性病?

你好,上星期貪玩我到飛田新地試了我的第一次。她用手掂一掂我,我就已經射了。 我不想我的第一次就是這樣,所以跟她加了鐘。 她為我帶上安全套,然後替我口交,我硬後她就叫我插入去,在掂到她陰部的過程中我又再射了。第一次就這樣沒了。我跟她做的過程沒有kiss,沒有交流,現在有點後悔,第一次去叫雞破處。我冇網上所說的病徵,但係感覺d雞好污糟,請問需不需要去驗性病? :sob:

Hello @himore9876 , 講少少性病傳播嘅資訊俾你知先,當高風險體液,例如精液、尿道球腺液、陰道分泌物、腸液同血液,直接接觸到性器官、比較脆弱嘅黏膜組織(例如口腔、肛門、陰道、尿道口),特別係當上面有開放性傷口(正在流血)先會有比較大機會可以造成性病傳播~

所以喺你嘅情況,有使用安全套嘅話,係可以預防到大部分嘅性病嘅~因為唔同嘅性病都有唔同嘅空窗期,如果喺空窗期期間進行性病測試會影響結果嘅準確度。而因為性病嘅空窗期一般最長係3個月,所以建議你喺性行為嘅3個月後,到社會衛生科進行性病測試,有關社會衛生科嘅資訊可以參閱以下網站: 衞生署-診所及健康中心一覽表-提供社會衞生科(男性)服務的診所