安全性行為是否可以放心?

琴日同男友發生性接觸前己帶上安全套
因為轉左drywell 日本牌子安全套, 都有檢查有冇帶好,同埋帶到盡, 防止鬆脫才插入

差唔多射果陣 , 男友係拎出黎再係套內射再除。
之後怕我擔心 拎個安全套加滿水幾多分鐘睇下都冇穿爛滴水問題,表面都係乾爽的。

其實我知我地都算做得好足, 只係想問下你地意見,我算唔算己經好安全
不用擔心 最令人擔心的問題呢:pregnant_woman:

男友係拎出黎先射先再除安全帶。整個過程, 射精並沒有在陰道內射。

因為轉左新牌子所以先問問

Hello​:ok_woman:t2:見到你哋整個過程都有帶安全套,而且射精過程都係拎出嚟完成,再加上之後都有做注水測試嘅話,基本上係使用安全套上面冇失效嘅情況,所以唔需要太擔心。

我上個月 5月19號黎m 黎左大約5日
個個月都係大約20日左右黎m

我6月3號開始安全性行為之後
6月7開始腸胃痛, 個胃久唔久發出聲 想嘔咁
同埋開始胸脹, 好像平時月經前咁既感覺

想問 我係米只係撞正腸胃炎 同 經前綜合症一齊 先咁? 還是有其他原因

同埋腹都有脹脹 唔係話好痛
同平時有唔同
唔知係經前問題定真係腸胃炎 還是6月3性行為問題

Hello~ 唔需要太擔心,以上情況都唔係懷孕導致嘅情況:raised_hands:t2: 因為由精子同卵子結合,到受精卵喺子宮壁著床,需要6-9日時間,而你目前距離性行為只係4日,所以而家嘅情況唔會係意外懷孕導致嘅,但詳細病因就建議向醫生諮詢喇。

想問 胸脹 腹痛 有冇機會提早11日開始有經前綜合症? 照計我6月19日黎m
其實之前都好似試過, 但因為果冇胃痛 想嘔 所以冇咁留意呢樣野。

你好~
經前症候群一般嚟講會喺嚟月經之前1至2星期出現,然後隨住來經減弱,所以如果經前11日出現症狀都係正常範圍內~

今日都係唔放心, 因為呢幾日keep住心口悶 胸脹 想嘔咁, 腸胃脹, 但唔係嘔、 胃口冇話唔好,照食好多野。

所以買左支曼秀驗孕棒驗
6月3發生性行為 今日6月9日係米都係計第7日?
暫時用左唔係晨尿 -陰性
聽朝打算用晨尿clear blue牌子 驗多次

唔知係米 月經前特別多憂慮 同心煩
明明已經安全性行為但都會諗返自己係米有冇做好

我勁唔開心
好擔心 腹痛 胸痛係初期懷孕

因為我成日仍住轉左安全套牌子 drywell呢個牌子
唔係彷間見過大牌子, 得成人玩具實體店或網上平台先有得賣
因為係男友買、 我未聽過呢個牌子
我仍住個安全套既安全性 , 因為未用過 同埋以前用開日本製造。
呢個安全套代理係中國 。 馬來西亞製造

但成個過程我有加水試 同拎出黎射 又冇流水。

Halo​:ok_man:t3:聽你咁講其實你最主要擔心嘅都係安全套嘅安全性,雖然我唔能夠認識哂每一款安全套,不過如果個個安全套你都係市面上買到嘅,咁相信佢都係經過唔同嘅測試後先可以出產嘅:see_no_evil:所以都唔洗太過擔心。但如果用呢個牌子係會令你咁不安,可能都考慮下下次唔好再呢個了;甚至都可以同男朋友討論下,會唔會下次選購安全套時你都係現場一齊參與整個過程,甚至係由你去選擇購物邊款安全套。

另外,如果對於性行為上,你都係會比較緊張同焦慮嘅話,除咗安全套以外,你都可以考慮下服用事前避孕藥。透過長期服用荷爾蒙式避孕藥,可以有助係你身體建立到避孕嘅功效。而加上安全套嘅話,避孕效果亦會更加好,那怕其中一種失效都仲有另一層保護。如果對事前避孕藥有興趣嘅都可以去家計會到了解多啲~

最後,正如同事上面咁講,如果你今次嘅性行為有正確地使用到安全套,其實都唔洗太擔心了。但如果真係要用驗孕棒,性行為嘅7日後會係最快可以檢驗到嘅日子(如果3/6係性行為嘅日子,7日後應該係10/6先啱),不過最準確會係11日後(14/6)。最後,你所提到嘅腹痛或者胸痛,其實都係啲好普遍身體唔舒服時或者月經前有機會有嘅症狀,並非只有懷孕初期先有:exclamation:所以都唔好太過自己嚇自己:rofl:反而你心情咁擔心同緊張嘅話,仲容易影響到月經嘅情況,到時你仲擔心呢:smiling_face_with_tear:基本上,如果你有正確使用安全套咁發生性行為,其實意外懷孕風險已經好低。

1個讚

我第11日 驗多次係陰性
今日6月16日 流左粉紅色 同既分泌出黎, 唔知係米就黎m
原本應該係6月19日 、 如果係就應該提早左3日黎m

只係擔心會唔會唔係m呢?

因為岩岩突然底褲流左小小出黎, 之後用抹紙 有粉粉啡啡, 但格左一陣去廁所柯尿 又唔見有再流分泌

岩岩又抹到好少量

依家又冇:sob::sob: 就黎m嗎

Hello @Kkkkkkk , 都好似同事所講,呢個驗孕既結果已經算係可靠,如果仲擔心既話,可能就要選擇去診所驗血,咁我諗你都會安心啲。見你咁擔心,都可能係個機會提醒你,係咪真係承受到意外懷孕呢個後果。因為無安全措施係100%有效,性行為點都需要承擔少許既風險。如果每次都咁擔心既話,都建議好好同伴侶商量同討論下係咪需要係現階段發生性行為。

粉紅色分泌會唔會係黎m 前會咁?

因為我第7, 9、11日都檢查左係陰性