想問有冇大問題/正唔正常

我琴日同前日嘅分泌物都有少少血,跟住我望一望月經推測app,顯示係排卵期,所以我就當排卵期出血,因為血量唔多
今日朝早多咗少少,不過係好少,之後下晝有自慰過,跟住夜晚就突然血量多咗,都多咗好多,護墊上顏色偏紅,紙巾上較淡,跟住突然又減少返,不過冇朝早咁少,唔知關唔關受刺激事
所以我想問幾條問題

  1. 排卵期出血係唔係關捱夜事?
  2. 排卵期出血(只有少量血)期間自慰係唔係會令血量突然變多?如果唔係嘅咁我呢個情況係咩原因?
  3. 排卵期出血維持幾多日?
    4.需唔需要擔心係其他問題?

講返多少少,一開始血量係剩係得好少,唔需要護墊,但自慰過後嘅血流量時多時少,需要加護墊,搞到依家超驚:melting_face:
非插入自慰 單純靠磨擦

Halo​:ok_man:t3:你呢個情況可以留意多幾日分泌物嘅狀態先,如果嚟緊幾日都有血嘅話,其實都有機會係月經嚟。

可以講返少少排卵期出血,佢多數會係血絲狀,而顏色會以咖啡或淺粉色為主,可能有蛋白狀分泌物,同埋血量都會較少,如果用護墊大概一至三日就完。的確係有機會因生活節奏或習慣改變,例如壓力、失眠、飲食習慣等,而出現嘅正常現象。但因為我見你有提到血量有突然增加,再加上如果你呢排生活習慣改變或者壓力太大,其實都有機會會令經期嘅時間早咗或者遲咗:face_holding_back_tears:所以你可以呢幾日都可以先留意下你啲分泌物。

另外,正常自慰係唔會令你出血/分泌物出現異常情況。如果係因為自慰而受損嘅話,血量應該唔會好多,同埋應該係會有外傷口出現:man_bowing:t3:再加上你只係係外面磨擦都唔會影響陰道內嘅情況出現異常,所以都唔洗太擔心自慰會對分泌物產生影響。