鼻敏感藥會唔會影響事後丸效用

因為避孕套穿咗,但肯定已有射入體內,到第2日已去家計會拎事後丸食(大約隔14小時服用)
食完事後丸後,因為鼻敏感發作好嚴重,大約隔2小時左右食咗政府醫院開嘅鼻敏感藥。
由食事後丸(31/5)到今日(4/6)仲未有月經,好驚會唔會食咗鼻敏感藥會影響事後丸效用。

Hello, 事後丸同鼻敏感藥(抗組織胺藥)之間無藥物相互作用嘅。抗組織胺藥主要用嚟緩解過敏症狀,唔會影響避孕藥嘅效用。加上你食事後丸同鼻敏感藥之間嘅時間間隔,所以你食鼻敏感藥唔影響事後丸嘅效用。

而事後丸嘅成份係高劑量嘅荷爾蒙,所以服用事後丸後會對身體產生副作用,例如導致下一次月經提前/推遲,影響嚟月經嘅日數同經血量。事後丸嘅副作用一般會影響到一至兩個月經週期。