手臂間中發熱

5/30同異性女有無套口交嘅接觸同戴套插入,6/3右手間中有熱感但冇發燒,左小腿同右手手臂出現少許唔痛紅點或紅印,唔知係因為職業病定咩因長坐office,唔知會唔會自己嚇自己

Hello 你呢次性行為的確係可能會有性病傳染嘅風險,但係單憑你而家所講嘅症狀,都判斷唔到係咪真係有感染性病。

因為性病常見嘅傳播途徑,係透過體液,例如精液、腸液、尿道球腺分泌(Pre-cum)、陰道分泌、血液,接觸過身體比較薄嘅黏膜組織,例如肛門、口腔、陰道,或者傷口就有機會傳播到病毒。

雖然你係有用安全套先插入,但係你哋發生口交嘅時候係冇用安全套,所以如果對方本身有性病嘅話,咁樣就有機會傳染性病。

不過單憑你嘅描述,其實都冇辦法得知係咪傳染到性病,因為你講嘅一啲症狀就未必一定係同性病有關。所以你都可以考慮做返個性病測試,檢查吓自己有冇感染到性病。

希望幫到你。