緊急!緊急! 女朋友17歲有咗

女朋友17歲有左,合法做愛嘅,但係有左,有左1至2星期到,本身係想係家計會藥物終止懷孕,但係想知佢依個年齡17歲藥物終止係唔係一定要屋企人簽紙??因為佢真係唔想比家人知!同埋想知道個流程係點!唔該!:pray:t2:

根據醫療專業守則,家計會在為18 歲以下人士進行早期終止懷孕前,必須要經家長或監護人簽名同意方可進行 。 至於18 歲或以上人士,家計會則會取決於當事人的心智成熟程度而決定通知家長與否。

唔掂喎⋯⋯ 好好同家長坦白啦

Hello,想解答返你既問題,基於有其他留言內容並非完全正確,你可以參考返我地以下既解答。

我再覆返你補充一下。
一般情況下係家計會進行終止懷孕是不需要家長簽署同意書,但係18歲以下,醫生在衡量過當事人的心智成熟程度後,覺得有必要才會要求通知家長,但通知之前其實都會徵詢當時人,所以唔使咁擔心的。但因為未足18歲,雖然合乎合法性交年齡16歲,但為咗保障當時人,家計會都會詢問一下懷孕成因,睇下有無性侵或不情願性行為發生。
當然無論係藥物式定係手術式人工流產都係有風險嘅,所以都建議你地考慮下係咪有需要知會家人。

Hello你好啊 係到想分享多少少關於成個流程係點嘅~

喺家計會進行終止懷孕的話一般都會需要進行至少3次到診:

第一次:由醫護人員了解身體狀況、檢查身體、評估懷孕週數、講解可做的選擇和講解避孕方法,會見輔導員進行情緒支援、了解受助者意願同選擇。

第二次:受助者做出決定,進行轉介/終止懷孕醫療程序,輔導員提供心理輔導

第三次:術後覆診

按照受助者情況,覆診次數都會有所不同。收費方面大概需要合共$4400-6100,排期時間需要2-3星期。不過,因為求助者人數眾多,排期時間有機會要更加耐都唔一定。而如果受助者身體情況唔適合喺家計會診所進行手術,家計會會轉介去公立或私家醫院。

關於喺家計會進行終止懷孕嘅詳情同埋收費,可以留意: 終止懷孕 - 香港家庭計劃指導會

根據「香港合法墮胎條例」,申請終止懷孕嘅當事人要經兩名醫生證明其正在懷孕,而且繼續懷孕對孕婦生命構成嘅生理或心理損害較終止懷孕大 (參考資料: https://www.famplan.org.hk/zh/health-info/unplanned-pregnancy 6)

家計會提供藥物及手術終止懷孕,假如就診者流產當天的胎齡超過10週,就唔可以喺家計會終止懷孕,所以我地都建議可以盡快預約,如果另一半係26歲以下,就需要懷孕女士打電話去青少年保健中心進行預約。

-灣仔青少年保健中心預約電話:25754799

-旺角青少年保健中心預約電話:27704994

-葵芳青少年保健中心預約電話:24432773

至於需時幾耐,都需要睇當時情況。約期後,家計會職員會先初步評估求診者,合適人士會再轉介醫生,作進一步評估及預約手術期,如果一齊順利,大概會喺一個月內完成成個流程。喺確認懷孕後,建議盡早預約,可以喺胎齡10週以下進行程序,可以選擇風險較低嘅藥物墮胎。進行程序當日,需要換上手術袍,服食藥物,亦都會一直監察住你女朋友嘅身體狀況,會岀血,可能會有發冷、想嘔等唔舒服嘅感受,一般來講假如朝早去到嘅話,通常夜晚就可以出返嚟,如果比較晏去到或者可能情況較複雜就可能要留醫一晚。

希望以上資訊幫到你同另一半