點樣改食避孕藥嘅時間

Hello想知食避孕藥點樣改食藥時間,我已經食咗一年幾,大概都係下晝3:30-4:00食,但之後呢個時間唔方便食,想改做夜晚9:00食。
我應該點做同埋改完食藥時間後係咪要避免性行為?
唔該:pray:t2:

Hello~你可以即日改食藥時間,只要同上一次食嘅藥唔好隔超過48小時就可以啦。即係如果琴日15:30食完,今日改做21:00食,之後嘅日子都keep住21:00食就可以啦:raised_hands:t2:

至於係咪要避免性行為,因為改變服藥嘅時候,體內避孕藥藥物水平可能有啲浮動,所以如果建議嚟緊一星期,如果要發生性行為,都使用額外嘅安全措施,例如安全套。

唔該晒先,因為我已經食完一排藥,嚟緊要開新藥,所以想喺開新藥嘅時候改時間,咁係咪都建議一星期內都用額外嘅保護措施?

我最後都係決定6:30食,遲3個鐘會唔會有好大影響:face_holding_back_tears:定只要我keep住6:30食就可以?

Hello, 改變避孕藥嘅服用時間,以下係要注意嘅地方。

你決定每日6:30食,而且開新一盒新嘅藥食,呢個係好嘅開始。只要保持住固定嘅服藥時間,就可以確保藥物係你嘅體內維持穩定嘅濃度。至於遲3個鐘頭食係可以嘅,避孕藥嘅效果唔會受到太大影響。

雖然改變服藥時間一般唔會顯著降低避孕效果,不過都建議係改變服藥時間嘅第一週內使用額外的保護措施(如避孕套)。咁樣可以提供額外嘅保障,防止任何潛在嘅風險。

無論係改變時間定係保持原定服用時間,只要你每日係相同嘅時間服用,避孕效果就會持續有效。如果偶爾遲咗一兩個鐘食,對避孕效果嘅影響好小,不過最好都係儘量固定時間服藥。

咁係咪代表只要我而家保持6:30食,個影響都唔大,因為我想知由3:30轉到6:30食,個身體會唔會突然就冇咗藥效?:face_holding_back_tears:

係啊冇錯,影響不大,唔會去到冇咗藥效 :smiling_face: