前日同女朋友性行為途中發現condom穿咗(around 3-5分鐘內發現)，冇射，但有前列腺液，有即刻去沖下面，想問下有機率大唔大
，依家兩個都好驚
Hello~我相信你指嘅前列腺液應該係尿道球腺液(Pre-cum)，當中的確含有少量精子，所以都有一定風險。如果你擔心意外懷孕嘅，建議你去家計會或私家診所諮詢醫生意見同拎緊急避孕藥（事後丸），事後丸有分兩款，喺不安全性後為嘅72或120小時內服用都有效 
咁想問下機率大唔大？因女朋友around 15號會嚟m
都真係好難講到個機率有幾大或幾細因為幾時發生性行為或者幾時嚟月經並唔係影響意外懷孕嘅主要因素
或者我可以講少少緊急避孕藥嘅副作用，你再考慮吓。事後丸係透過高劑量嘅人造荷爾蒙嚟壓抑排卵或干擾受精/着床嘅過程，而達致避孕嘅效果。由於劑量較高，所以副作用都會較事前藥重，一般嚟講有機會出現經期紊亂、頭暈、頭痛、腹痛、出現嘔心感等，副作用嘅時間同感覺可能會較長同大。不過好似同事上面咁講，如果打算服用緊急避孕藥，因為呢個藥喺香港為醫生處方藥物，所以記得要喺最遲120小時內去診所或者家計會由醫生評估後再服用。
都明白你地會好擔心
如果最後你同另一半考慮完都唔打算食事後藥，但又好擔心嘅，你地都可以係個次性行為後7或者11日買驗孕棒做檢測；又或者如果月經嚟咗，就唔洗再太過擔心意外懷孕嘅情況出現。
冇事了，多謝你嘅答覆
驚咗好幾日