會不會懷孕

上一次月經是5月頭4月未左右 具體日期記不清了 完結大概是5月8 or 5月9
5/11有無套性行為但只進行了5-10分鐘左右
5月12號開始有吃消炎藥 感冒藥 退燒藥等3-4種藥物
除了退燒藥只吃了兩三天外其他藥都在5/16-5/17吃完
計算了應該是今個月頭會來月經 但是一直沒來快要或者已經一個禮拜了 呢幾日一直有經痛 腹部硬脹痛的感覺亦有不時胸部脹痛疲倦等之前m前試過的症狀 但一直未嚟m
之前冇點留意有冇流啡 有睇過印象中係沒有的
呢幾日有淡黃色/淺綠色/白色分泌物 上上個禮拜及上個禮拜的白色分泌物較多(但平時月經前都會這樣的)
看見懷孕會有便秘/肚屙等影響腸道的症狀 但係我呢幾日排便都正常
請問月經遲來是懷孕了還是因為藥物推遲 另外想問因為藥物推遲的話最多會推遲幾耐
因為之前都試過因為食感冒啲藥所以月經遲 但也是一個禮拜左右就來了

同埋我一直都有食好多凍嘢/龜苓膏等或者比較寒涼嘅嘢 會唔會有影響

Halo​:ok_man:t3:就你個情況,想了解下你本身係有無食開事前避孕藥?或者你係11號嘅無套性行為後有無食過事後藥?

如果你係無食過任何避孕藥又無用到安全套下發生性行為,而依家仲有啲擔心嘅,咁建議都可以考慮下要唔要自己先用驗孕棒做次檢測先。因為無論性行為嘅時間長短與否,只要無用到安全套或者服食避孕藥嘅話,個次嘅性行為都有一定程度嘅風險。所以如果你真係擔心意外懷孕嘅,都可以先做過測試先;避孕棒喺性行為嘅7或者11日後使用已經非常準確,所以你依家已經可以使用了。

另外,我有留意到你有講起分泌物嘅情況。當中關於淺綠色分泌物嗰部份,如果你係一直都會有呢個情況發生,都建議你考慮睇醫生。因為綠色分泌物並唔係常見嘅情況,你可以再留意吓陰部有無痕癢或者小便時會唔會覺得刺痛:thinking:如果有呢啲情況,都可能需要睇醫生,睇下會唔會係陰道炎或者係其他情況~

最後,影響月經到來嘅因素有太多了,有機會係個人生活習慣、飲食習慣改變;亦可能係被情緒同壓力影響。因應唔同情況而衍生月經遲咗或者早到,而影響嘅時間亦好難一概而論,所以未必答到你確實嘅影響時間。但綜合以上情況而言,你可以先再觀察吓自己情況,過幾日再決定需唔需要睇醫生等。但現階段你可以先用驗孕棒,再留意分泌物同身體有無異常情況。