避孕藥可以週期中開始食?

之前去咗家教會攞第1次藥,但3號嚟完m到依家都唔記得食,可唔可以依家開始?
另外想問事前藥要嚟m期間間始食嘅原因係咪因為中途食有機會阻止唔到排卵,定係有其他原因?因為google知道最好5日內食但都唔會解釋原因,又見到有人話其他時間食都有效,所以想知點解haha
Thanks!

Halo​:rofl:可以呀照食呀!服用事前也可以大致分為兩大類:

第一種係好似平常大家所講,由月經周期首5日內開始服用,咁基本上喺至少連續服用7日後身體就會建立藥效,從而產生避孕效果,之後只要保持日日準時食藥就可以了。

另一種方法係,喺任何其他日子開始服用,但呢個情況下就建議至少連續服用14日後以確保藥效成功建立。

事前避孕藥嘅原理,係透過人造荷爾蒙嚟達致抑壓排卵同增加子宮頸分泌物黏稠度而阻止受精過程。因為並唔係只有壓制排卵嘅作用,所以其實你邊日開始食都無問題。只係如果由月經期間就開始服用,會相對容易啲計算嚟緊嘅經期同食藥日子等等。

不過有樣嘢要提一提,上面所講頭7或14日需要配合額外避孕措施係講緊第一次服食避孕藥。所以假設你冇斷過咁食藥,第二個月開始就唔需要再用7/14日嚟建立藥效。不過:exclamation:因為你情況係第二個月唔記得要繼續食,所以當你今個月開始食新一排藥時,我建議你頭14日都要繼續使用額外避孕措施:ok_man:t3:咁會比較安全啲。