請幫忙評估風險

你好

本人剛剛去按摩店,對方兩腿夾著我的右小腿坐了上來。後來發現她沒穿內褲(她下陰有接觸到我小腿的),而我被她坐著的地方是有傷口的。除此之外,我們沒有其他高風險行為。

假設如果對方是有愛滋病的話,我是否會得到愛滋病?我現在十分擔心。

麻煩解答,感謝:pray:t2:

你好呀:ok_man:t3:就咁聽落去傳染愛滋病病毒嘅機會都低。

一般嚟講,愛滋病病毒傳染嘅途徑係需要透過高風險體液同比較薄嘅黏膜組織上嘅新鮮傷口(一般嚟講係正在流血嘅傷口)嚟傳染。當中所講嘅高風險體亦包括精液、腸液、尿道球腺分泌物、陰道分泌物同血液;而黏膜組織係指身體上比較脆弱嘅組織部份,容易喺摩擦嘅情況下造成傷口,多數指肛門、直腸、口腔、陰道、眼睛或鼻腔等。最典型嘅傳染愛滋病病毒嘅例子包括:兩個人進行無套嘅插入式性行為、互用針筒等。

而你嘅情況嚟睇,除非你大/小腿上嘅傷口係個啱啱造成嘅開放式傷口(表皮皮膚破裂),而且正在不停流緊鮮血;同時,再加上佢下體體液不斷接觸緊你流血嘅傷口。如果唔係,基本上都唔會因此而傳染到愛滋病病毒,所以都唔洗太過擔心~

當然如果過程中,你哋有進行性行為而又好擔心會有傳染性病嘅風險,你都可以考慮係90日內進行性病測試。除咗政府核下嘅社會衛生科以外,而家亦有唔同嘅NGO提供緊相關服務:ok_man:t3:你都可以留意下。

相關NGO方面包括:關懷愛滋、再思社區健康組織等等