咁嘅情況仲有保護力嗎

你好呀,我喺3月開始因為經期唔準想調經所以開始食避孕藥。第一次食所以揀份量最低嘅yaz 24+4粒 。
3月尾同4月都有停藥期嚟 。5月因為去旅行唔想嚟m所以月尾直接skip咗白色藥丸開始下一包藥 。理論上6月頭唔應該嚟m但都係有嚟少少啡色 。而家6月11號我啲m冇點少到反而慢慢變鮮紅色 。
其實啲藥對我有冇效呢?
如果想有無套性行為又會唔會危險

Hello, 逐一回應你嘅疑問~

首先都提一提,初次服食避孕藥時,建議先經醫生評估係唔係適合服藥,因為唔係每個人嘅體質都適合服食避孕藥,例如患有心臟病、高血壓、偏頭痛等人士都唔建議服食避孕藥。而且醫生亦會向你講解服用方法,避免因為錯誤服用而影響藥效。除咗係有信譽嘅藥房或大型藥妝店購買,都可以到家計會、母嬰健康院或者婦科診所獲取避孕藥。

Yaz係一種常見嘅低劑量避孕藥,長期服用都會令月經變得規律。不過啱啱開始服用避孕藥,身體需要一段時間去適應,可能導致一啲不規則的出血或點狀出血,尤其係跳過停藥期或連續服藥嘅情況。

你係5月為咗令月經延期而直接跳過停藥期,呢個做法係避孕藥嘅使用中係常見嘅方法。不過都可能會導不規則出血或者點狀出血,呢個都係屬於正常嘅情況,呢啲不規則出血或者點狀出血可能會持續幾個月,直到身體適應。

根據你描述情況,避孕藥對你仍然有效嘅。避孕藥嘅主要功能係避孕,而調節月經係附帶嘅效果。即使有一啲不規則出血,避孕藥係正確使用時仍然非常有效。只要你每日按時服用,避孕效果應該不受影響。

如果你每日按時服用避孕藥,而且無漏服,避孕藥嘅避孕效果是非常高嘅。所以無套性行為嘅懷孕風險非常低。不過,避孕藥並唔能預防性傳播疾病,所以係呢方面都要注意同埋使用其他安全措施(安全套)。

如果你嘅出血情況持續唔見好轉或你有其他不適,建議你搵醫生檢查。醫生可以更詳細地評估你嘅情況,同埋提供具體嘅建議或考慮係咪需要調整避孕藥嘅種類或劑量。