擔心問題!

兩年前有一次同男友試過冇套而得到滴蟲陰道炎 , 之後我地兩個都全面性檢查所有性病都冇咩問題, 果陣大家都驗哂hiv hpv ,
只係我地兩個都驗到有滴蟲! 係果次滴蟲唔知點得黎、 就係因為咁 我應該有小小驚懼症、 仍住佢有冇出面識左第2個野返黎!但佢冇識第2個同冇做對唔住我既事, 但我心入面仲係有條刺。

就係因為咁 我同佢既性生活減少左幾個月先一次、 同埋一定要帶套! 但每次同佢做完都會懷疑好多野, 又會買快測check 、 自己再去驗血等。自己睇下自己有冇事之類! 每次驚完幾個月 , 佢又會怨咁耐冇得做愛、 其實我好想同佢做, 但兩年前既事情同信任仲未放得底!

最近我又同男友全程帶套做愛、 同埋有灌水測試,但做完一個星期左右唔舒服,開始係腸胃炎。
依家又冇啦啦喉嚨痛小小感冒作發燒:face_with_thermometer:,呢個時候有驚恐既我又開始亂諗會唔會得到d 咩hiv hpv既病呢! ? 同埋 男友本身有濕疹, 呢排天氣唔好 有一邊手又有疹、 就係因為咁令到我亂咁諗 !
我有時覺得自己係好有問題! 係米應該冷靜下同佢傾傾? 如果傾呢個話題, 搞到好似話緊佢有性病咁!

其實我呢幾日係米真係腸胃炎 同 感冒only ?
我做過Covid快測 冇中:pray:

其實我地呢兩年一直有帶安全套, 上年我又做多次全面既檢查、4月做完愛又走去做快測都做冇事 ,佢話自己唔會同陌生女人做呢d 野 , 叫我相信佢~

但我見到成日見到呢d病徵、就會諗住hiv hpv

  1. 急性感染期:急性感染期嘅病人會出現類似流感嘅症狀,包括發燒、喉嚨痛、疲倦、食慾不振、噁心、嘔吐、腹瀉、皮膚出疹、肌肉關節痛等症狀,目前臨床統計約5成感染者會出現顯著症狀。

因為最近6月頭做完 開始咁岩至依家唔舒服~
但我地有帶安全套既。

Hello @匿名1420 , 謝謝你講俾我地知,我諗正如你所講,你地兩個可能存在一D信任既問題,最好真係大家一齊坐低傾下。其實滴蟲男女都有可能會受感染同傳染俾對方,而且亦有非性行為傳染既途徑,所以如果係無證據下,都真係未必因為對方有第二個先感染到滴蟲。滴蟲既傳染方式主要可分為直接傳染、間接傳染呢2種:

  1. 直接接觸傳染:主要經由性行為傳染,而男女性既傳染方式唔太相同。男性感染滴蟲後,滴蟲可能會離開尿道,侵入男性攝護腺,所以會係高潮射精後經由精液傳染俾女性。另外,滴蟲都有可能藏匿係陰毛中,咁同伴侶親密接觸都可能傳染。
  2. 間接接觸傳染:滴蟲生存力極高,可以長時間存活係泳池、澡池,或公共廁所既馬桶蓋上,所以都有可能經間接接觸傳染。

傾既時候嘗試下唔好假定對方有第二個先,可以回想係咪有可能係公共地方受感染,同時向伴侶分享自己既擔憂,睇下有無一D方法令你增強番對佢既信心。

而HPV, HIV主要係通過性行為傳染,避孕套已經算係首選既安全措施,如果仍然都好擔心,你要考慮下繼唔繼續同現任既伴侶發生性行為。而且HPV都有可能因為生殖器官接觸到附有HPV既物品或公共地方而感染,但HPV普遍上可以用疫苗黎預防。

因為發燒 :face_with_thermometer:喉嚨痛 咳 感冒今日去左睇醫生
食緊藥。
唔會係hiv 定普通感冒?係米我諗多左:smiling_face_with_tear:
有時都想你口中比返d安慰我。

我同男友一直都有安全套,同埋性生活好少。 如果佢真係冇同其他人發生有關係,我咁諗佢好似好衰。

其實4月做過快測 同埋年頭又去身體檢查係冇野
但男朋友冇去檢查,只有兩年前做過
果陣驗血果d都冇野
但依家變到我定期檢查先安心

其實如果d人hiv 係米唔會好似我咁樣普通感冒?係米仲有淋巴發炎 同出疹等等混合埋一齊
同埋係米唔全程安全套先中到?

加上依家黎緊月經, 身體勁唔舒服,反覆發燒又咳。喉嚨痛。:face_holding_back_tears::face_with_thermometer:頭暈發冷發熱

明白你都真係好不安同緊張:pleading_face:我諗你嘅情況嚟睇,其實處理感情上嘅缺口比起擔心性病嘅問題,更加值得你去思考。

因為老實說,所謂HIV嘅「初期病徵」其實同普通感冒太相似了,以致於我地好少會用呢啲病徵嚟判斷一個人係未感染到HIV。而要判斷一個人嘅HIV風險高低,係取決於佢性行為期間/前後有冇正確使用安全措施。以你情況嚟睇,如果你每次性行為都有全程並正確地使用安全套,感染HIV嘅風險已經非常低(但當然,只要有性行為就一定唔會0風險)。所以你情況嚟睇,我都會覺得你真係唔洗太緊張;而如果真係咁擔心,就空窗期後去做測試,因為用普通感冒症狀嚟判斷自己有冇感染HIV嘅效益同效果實在太低,只會令自己更擔憂。

其實你而家有定期進行檢測,又有主動要求使用安全套,呢啲決定都做得好好呀:face_holding_back_tears:基本上係你能力範圍內可以做嘅,你都已經做足了!所以你不妨考慮下花啲時間同另一半溝通你一直以嚟所擔心嘅事:pleading_face:好似同事上面咁覆,你當時嘅滴蟲並唔一定係經性行為而傳染,可能係其他傳染途徑,亦有可能係以前係另一段感情關係時就帶落而雙方都無為意到,並唔代表係「出軌/偷食」。

但講到底,無論事實係點,我諗如果你地仲有心發展嘅話,就要好好考慮下將呢條「刺」拎出嚟一齊面對同討論:pleading_face:良好嘅溝通永遠都對一段關係或者雙方達到正面作用。但溝通時,記得可以保持開放嘅態度同仔細聽吓對方嘅諗法;當表達自己諗法時亦可能留意下自己嘅語氣同態度:see_no_evil:好多時就係呢啲位會出事:sob:(好緊張時:rofl:可以先大大力深呼吸:laughing:再平心靜氣地講你想講嘅嘢!)強烈建議搵個大家都心情好嘅日子同一個舒服嘅環境去處理!

最後,其實就算係穩定嘅情侶關係或者單一性伴侶都好!只要有發生性行為,我地都好建議大家可以做到至少一年一次嘅性病檢查㗎!所以你都可以同另一半就呢件事上溝通下:ok_man:t3:同佢解釋好似身體檢查咁,做性病測試並不等於不信任呀!

我想問hiv 空窗期係幾耐?
我一個月後買快測 check 準唔準?
Doctoreyes 牌子

其實我覺得自己風險都比較偏低
只係咁岩做完格左兩星期後,自己撞正黎m 又感冒發燒咳黃痰 所以情緒唔好好好易亂諗野。 明明自己4月都快測過:smiling_face_with_tear:, 如果佢有毒、 自己都神早中左, 加上全部都帶套同拎左出黎射同確認冇漏!
仲要我假設佢有⋯

就算依家測去check 我既心態可能純粹有做多呢樣野:face_holding_back_tears:令自己再安心咁解

以你地睇我情況咁睇 其實係米風險都極低

上網睇話 就算假設對方真係有
帶左套其實係微乎其微

我依家諗返其實6月頭 屋企人都中左肺炎 病左咳, 其實我依家都病左都未必關男朋友事, 可能真係感冒

Hello, HIV嘅空窗期指係感染後到能夠被常規檢測檢出病毒嘅時間。通常,最常見嘅HIV檢測方式係抗體檢測,佢嘅空窗期約為感染後嘅2至4週,不過係一啲情況下可能會更長,所以要確切了解個人嘅情況,最好咨詢醫生或檢測中心。

你提到嘅快速測試通常係抗體快速檢測。呢啲測試嘅準確性係使用正確嘅情況下係相當高嘅,但係進行任何檢測前,最好先確認使用嘅係可靠且符合標準嘅產品。係有信譽嘅藥房或大型藥妝店購買都係信得過嘅。

至於你自己嘅情況,你描述左一啲症狀,不過尼啲症狀並唔一定同HIV有關。感冒、發燒同咳嗽黃痰等症狀通常係非常普遍嘅健康問題,並唔一定意味著感染左HIV。而且你提到有使用保護措施(安全套)係會降低感染風險,感染風險係極低,唔使擔心。

今日仲發緊燒
D痰變到綠色, 咳到心口痛
再睇醫生、醫生話支氣管炎感染 所以會翻覆覆燒
要食藥打針

其實除左呢個病徵
我暫時冇其他我個擔心個個病既其他病徵
例如d人講既會出疹, 淋巴變大, 肚柯, 口腔生野 。

我己經翻覆發左4日燒:face_holding_back_tears:好唔開心同擔心
第一個醫應該判錯症
希望食完會退返燒

想問我黎緊月經
抵抗力係米會差d?

Hello 辛苦你啦,明白可能之前發生過啲事,令你有心理陰影,所以好擔心。不過暫時咁睇似乎都可能同性病未必有太大關係,所以你可以暫時唔使諗係性病嗰方面先。

而月經來潮期間身體抵抗力都可能會下降,都有機會係會比較虛弱啲嘅,所以如果病咗嘅話都可能更加容易影響到身體。

希望有解答到你嘅問題,都希望你快啲好返,身體健康

暫時退左燒
不過我食左醫生開既藥 同抗生素
唔知係米藥既問題定我食錯野
今朝起身有肚柯左2次

我上網search 過部分既藥 副作用係會腹痛同腹瀉
就因為咁我又開始驚係藥副作用還是其他身體出現問題

因為我食左一日藥冇肚瀉
食左第2日之後,今日就柯左兩次

有兩隻抗生素 上網副作用睇到話有腹痛同腹瀉及嘔

你好啊

字裏行間都感受到你好擔憂、緊張,我哋始終唔係專業嘅醫療人員,亦唔係最熟悉你身體嘅人,唔能夠就住你服食嘅每一種藥或者身體嘅唔同狀況而下定論。

唯一可以知道自己有冇患上性病嘅方法,就只有進行性病檢測。最客觀嘅方法就係喺最後一次性行為嘅3 個月後,進行性病測試。

其實依加醫學昌明,好多性傳播嘅疾病都可以治癒,或者透過藥物控制。如果真係感染咗性病嘅話,就一定要積極進行治療。因為如果性病得到治療嘅話,致命嘅風險都係好低嘅。而當病毒或者病菌嘅數目受藥物控制,減低到冇辦法被檢測到嘅時候,咁即使你同其他人進行性行為,性病都唔會傳染俾其他人(Undetectable = Untransmittable)。即係話你係可以擁有正常嘅性行為同埋健康嘅仔女,所以及早發現及早治療最重要,同埋記住要定期檢測~