風險大唔大

前幾日13號嚟完m 呢幾日係咪算安全期 但前兩日都會有啡色分泌物流出 咁今日我男朋友就喺我妹妹出邊磨 可能兩分鐘左右?我就推開左佢 都有即刻抹 事後都有沖洗妹妹:sob:我咁樣有冇風險 而家有啲後怕:face_holding_back_tears:

Halo​:see_no_evil:因為「安全期」並唔係有效嘅避孕方法,所以我地都唔會用佢嚟做避孕成功率嘅參考。不過就你呢個情況,如果佢只係係外面磨擦,雖然都有風險,但相對可以唔洗太緊張嘅:pleading_face:

但如果想有更好嘅避孕效果,其實建議係有性器官接觸時,就已經要帶好安全套:see_no_evil:始終男性性興奮期間時嘅分泌物已經會有少量精子。

至於啡色分泌物方面,如果你有持續出現呢個情況,例如往後幾日仲有,或者每個月都係月經後仲有流啡。咁可能你都要考慮下搵醫生求診~

咁所以風險都係唔大的對吧:face_holding_back_tears::face_holding_back_tears::confounded:

Hello, 根據你所講嘅情況,無插入式性行為嘅話,懷孕風險係比較低嘅。就如我地同事所講,男性係性興奮嘅時候陰莖勃起時會分泌尿道球腺液,裡面會有少量精子,都有導致懷孕嘅風險,如果陰部都有分泌液,係外陰摩擦嘅過程中尿道球腺液都有流入陰道嘅風險導致懷孕。

唔想成日擔驚受怕建議驗孕,因為驗孕係一個最直接知道有冇懷孕嘅方法。驗孕棒嘅原理係透過檢測尿液中嘅hCG (人絨毛膜促性腺激素)含量,當受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果,而係11日後驗孕結果就更加準確。因為hCG嘅分泌會隨著懷孕嘅日子增加。所以你於愈後嘅日子驗孕,就會因為體內嘅hCG會愈多,而愈容易得到準確嘅驗孕結果。