喺同女朋友性行為途中，因為唔想太快射，所以又刻意忍住，但有一下感覺有少少嘢流咗出嚟，拎返出嚟都發現應該係漏咗啲射精前分泌物。但全程都有帶着安全套，發現有分泌物之後都有諗過好唔好用返嗰個數繼續，最後都決定除咗去換過第二個安全套先再繼續，但係喺除嗰陣隻手都有機會掂到啲分泌物，不過我自己都有再用紙巾抹下隻手同陰莖先至再重新戴上一個新嘅安全套，想知咁樣會唔會有風險，因為知道射精前分泌物都有精子係入邊，但我已經盡量清潔好先再進入陰道。
Hello 呢個情況都唔洗太擔心，基本上都懷孕風險都係極低嘅。
首先好欣賞你有了解到射精前分泌物都可能有精子喺入邊。因為你哋發生性行為嘅時候，全程都有用安全套，即使只係一開始嘅射精前分泌物，定係之後再插入射精都好，都係有用安全套嘅。而你哋係更換安全套嘅時候，都有用紙巾抹下手同埋陰莖先至再換，呢都係好好嘅習慣，都係可以避免到懷孕風險嘅，所以都唔使太擔心呀。