豆腐渣分泌物一路都唔好

我十六歲 一月自從食咗抗生素之後就有豆腐渣分泌物 外陰有時都會有啲痕 食咗好多唔同嘅益生菌 都有睇西醫同中醫都冇好 西醫成日開咗敏感藥俾我 都係話我要用自己嘅抵抗力自己好 但係其實我都有同另一半有性行為 但係都係有用安全套所以應該唔係因為佢而令到我陰道細菌感染 不過我睇醫生係冇講到我有性生活 同埋我睇中醫佢都話有時有咁樣嘅豆腐渣分泌物係正常 但係我係第一次有咁樣嘅情況到到而家都未好返 次次見到自己仲未好返都好唔開心好焦慮 但係都已經做咗好多方法去想改善都冇好到 覺得好絕望成日都喺度諗係咪唔會再好返

你好啊 明白呢個情況持續令到你感到好灰心。

首先見到情況都持續咗幾個月,相信都令人感到困擾,可以考慮睇婦科醫生,詳細了解返身體情況,建議喺睇醫生嘅時候,都可以詳細同醫生講返身體嘅情況、曾經服用過嘅抗生素、性生活習慣等等,醫生都可以有返一個準確嘅診斷。

你可以考慮去家計會嘅青少年保健中心,約見醫生。醫生評估服務診金係$150。不過留意返唔係每一間家計會診所都有提供婦女健康服務嘅,而無論係青少年保健中心/家計會診所嘅保健服務係必須預約嘅,你可以透過家計會嘅網上預約系統/致電該間保健中心/診所預約到診時間。有關家計會嘅健康服務詳情可以參閱以下網站: https://www.famplan.org.hk/zh/our-services/clinic-services/women-health/women-health-service/content 195

的確抵抗力係呢個情況下係好重要嘅,例如成日捱夜或者壓力大,其實對身體都唔好㗎,另外飲多啲水、著通風嘅衣物、性行為前後進行清潔都有助改善分泌物嘅。