我服用避孕藥第6個月，今個月有啲時間唔夾，所以有時早過預定時間食藥，但大部分食都係係預定時間食。
頭先無套插左三下左右就冇繼續，都即刻去廁所同沖涼。知唔會100%避到孕，但機率高唔高？好擔心，使唔使食事後？
Hello, 根據你描述嘅情況，懷孕風險非常低，唔使再食事後藥。
首先介紹下前事避孕藥原理，避孕藥屬於荷爾蒙避孕法，透過人造荷爾蒙抑制排卵，改變子宮頸分泌物黏稠度同埋子宮內膜環境，令精子難以通過同埋受精卵難以着床。所以係正常有完成整個藥物療程嘅情況下，身體就會建立避孕功效。
你已經連續服用避孕藥六個月，而且大部分時間都係按預定時間服用，身體已經建立咗穩定嘅避孕功效。雖然有時提前服用避孕藥不過唔會影響到避孕效果，但係如果頻繁/大幅改變食藥時間，就會稍微降低藥效啦。幾次小幅提前/延遲影響就極低嘅。想更加保險提高避孕效果，建議配合額外避孕措施咁就可以預防埋性病更加安心啦。
1個讚
好啊唔該晒你
