有關事前避孕藥

你好,想問問事前避孕藥邊個隻好d?有咩副作用?因為1個月後會去旅行而女朋友會係旅行期間月經,主要係延遲經期用:pray:t2:感謝:pray:t2:

你好,首先如果第一次服食避孕藥,都建議要諮詢醫生,因為每個牌子/款式嘅避孕藥內含有嘅荷爾蒙類型同埋劑量都會有唔同,有機會某部分避孕藥唔適合你女朋友嘅體質,係有機會引致嚴重嘅副作用。
而且避孕藥亦並非每個人都適合服用,一般常見唔適合食藥嘅情況,例如有心血管疾病、不規律陰道出血、體重過高等。所以一般都會建議服用避孕藥之前,必須諮詢醫生嘅意見,等醫生評估你嘅體質/生活習慣,係咪適合服用避孕藥,或者適合服用邊一個牌子/款式嘅避孕藥 。