皮膚問題!

我男朋友不嬲都有皮膚敏感/濕疹問題
近年都算穩定 間中發作咁 ,查完野又會好返

但近呢兩個星期佢手發完濕疹好返 又到腳濕疹
咁岩我又呢排感冒完好返, 仲有d尾未好
好驚佢會唔會有咩暗病、 因為聽過其他人免疫力差/性病既人都爆會濕疹 , 唔知我諗多左佢定佢係普通皮膚病呢

定其實最近天氣熱姐? 皮膚都會差d

Hello @匿名1424 , 研究有指,係香港大約每五個人就有一個人曾經受濕疹問題困擾,屬於普遍既皮膚病,我身邊都有唔少朋友有皮膚問題,我自己天氣太熱都會出汗疹,同有無性病無直接關系。有無話有D乜野既理由/線索令你覺得對方有暗病?呢個都可能反映左你對伴侶既信任程度。

其實好驚對我淡左, 有出去偷食,雖然佢話冇…
因為佢講過佢以前係拍好多次拖
同埋都好多段感情都有Sex

但我同佢拍左呢5年, 佢話佢好愛我,但佢對愛表達方式好唔同。
因為我好需要安全感既人黎、 而係一個要好自由既人黎, 基本上平時日常生活/去邊佢好少會分享/講,都係問佢先講, 好少主動報告
但一齊頭一年可能係新鮮感啦, 佢果陣真係乜都同我講既,但依家唔係以前咁, 所以中間都同佢提出過分手算, 但佢仍然話想我一齊到最後。

到左有一年 ,冇啦啦冇滴陰道炎同支原體而睇醫生, 當時我一直懷疑過佢, 但我地最後一齊食藥睇醫生,但之後我自己都開始相信佢。
另外,其實我地一年前有一齊身體健康檢查過都冇咩問題。

但依家問題, 我依家係因大家既身體突然出現變化(感冒/身體濕疹/)而容易開始幻想到自己會患上呢d不同性病
例如hiv , hpv 等呢d病
因為上網睇得愈多愈覺得呢d好可怕好核特。

雖然你會話可以同男朋友傾下呢個問題
但佢係一個唔中意聽人分享既一個人黎
平時關心都唔多, 呢d緊加我唔想同佢講:disappointed:

Up

從表面睇,你呢個post係一個關於性病嘅post,不過再睇你reply絕對唔只咁單純係性嘅問題,我睇到嘅係你對你哋呢段感情抱咗一個懷疑嘅態度。我對性病嘅認知非常有限,所以都係留返有呢方面知識嘅人解答你,不過最令我我不解嘅,就係濕疹、皮膚敏感同感冒點解會令你嘅思維扯到去因體液或血液接觸嘅性病嗰度,仲令你不停去睇相關資訊令自己越諗越驚青?

大概係佢嘅男人自由主義畀唔到你最需要嘅安全感過你?但我同時亦睇到,你本身就已經有解藥醫返好件事嘅啦,咪就係你上面所講嘅:同男朋友傾吓呢個問題囉:sweat_smile:!你千祈唔好覺得咁係好老土,因為你要了解同善用女人處於弱者地位時嘅威力,你應該老實咁向佢表達你嘅擔心同不安,講真,如果我真係愛呢個女人同埋想同佢到尾嘅,我就一定會安撫佢嘅不安情緒,否則你可能需要另作其他想法。

你知道溝通有幾重要嗎?唔知唔緊要,我講咩都冇用,你試吓先啦!:love_you_gesture:

P.S. 唔明點解你患陰道炎而佢又要一齊食藥:sweat_smile::sweat_smile:

因為兩年前果隻陰道炎係滴蟲
多數性接觸或公眾廁所污糟傳。而我之前做婦檢都冇, 而同佢無套都冇試過有, 係突然一次性行為後而不唔服服發現有, 所以諗緊點解有, 所以變左懷疑係佢, 而佢去驗尿又真係有, 所以要兩個都食藥去醫。 當好返哂, 變左我對佢信任係抱住懷疑同埋 有小小陰影, 好驚再有其他病。

我嘗試問佢係米出面野返黎, 但佢話100%話唔係
之後我地仲去全面性既檢查, 係正常既

但因為呢個經歷、 到依家變左對性小小恐懼 同潔癖、 好驚佢冇啦啦又有其他野傳比我,
雖然 上網睇滴蟲唔可以話性傳返黎, 公眾地方廁所污糟等等都會
但因為之前睇婦科既醫生佢地覺得好大機會係性接觸傳染既! 所以搞到我好難忘記呢個經歷

@匿名1424 多謝你願意講俾我地知。拍左5年拖唔算短,如果要繼續行落去,呢個都可能係個契機俾你去處理下信任既問題。就算你提出分手,你男朋友都想繼續同你一齊,呢個會唔會都係佢愛你既表現?大家表達愛意既方式唔同,有時主動表達清楚你想點樣被對待都好重要,更重要係知道對方邊D既行為同語言係愛你既表現!明白你覺得佢唔中意聽人講野,所以覺得無必要再講,但關系既維持好依賴溝通,不妨俾多次機會你既伴侶,試試向佢表達你既不安,亦可以根據佢既反應再睇睇大家係咪適合繼續一齊。

我反而有另一個觀點,就係男人話愛一個女人未必一定係愛對方,我當然唔係話樓主bf唔係,只係我客觀咁提出咗另一個觀點出嚟,我覺得應該好小心咁觀察對方同自己先啱,因為所有嘢都係由心而至嘅。我始終認為,假如樓主bf冇好好咁令樓主釋懷,佢哋嘅關係亦好難提升到更高層次,so, 所以我話溝通就係最有可能整頓成件事嘅最佳方法