約左個ptgf出來開房

尋日約左個ptgf出來開房,佢有幫我手淫,有用潤滑劑,我有奶佢乳頭,我口入面有生小小痱滋會唔會有感染性病既風險?同埋我地有一齊沖涼

Hello, 根據你嘅描述接觸過對方嘅乳頭同一齊沖涼,高風險體液同你嘅性器官/傷口冇接觸,感染性病嘅風險係好低嘅。

另外提一提,會傳染到性病嘅前提係對方都有性病。但係我哋都唔應該預設左對方從事性工作,就一定會有性病。相反,正正因為對方從事性工作,佢哋好多時都更加着緊自己嘅身體,一來都關乎自己身體健康,二來亦都會影響佢哋謀生。

而性病係屬於傳染病,不分年齡、性別、種族,一般透過性接觸,不論係性交、肛交、口交或生殖器之間皮膚接觸,就有機會經由血液、精液或其他體液感染性病。具體而言,當高風險體液,例如精液、尿道球腺液、陰道分泌物、腸液同血液,直接接觸到性器官、比較脆弱嘅黏膜組織(例如口腔、肛門、陰道、尿道口),特別係當上面有開放性傷口(正在流血)就會有比較大機會可以造成性病傳播。而性病一般可以分為細菌型性病,或者係病毒型性病。前者大多數都可以完全根治,而後者大多數未有藥物可以完全根治,但可以控制病情,例如愛滋病,性病疣(椰菜花)。

如果你好擔心嘅話,你都可以去做個全面嘅性病測試,社會衛生科、家計會診所、部分私家診所或者醫療機構都有呢個服務,有需要可以去預約。提返你預約做檢測之前要問清楚需要等待嘅「空窗期」有幾耐,即係距離對上一次性接觸後幾多日做測試會有比較準確嘅結果。通常家計會、社會衛生科會要求3個月空窗期;某啲私家診所提供空窗期較短嘅測試,2星期左右已經可以做。其實如果有發生過性行為,尤其係高危性接觸(例如無套陰道陰莖交),都應該恆常進行性病測試,了解返自己嘅身體狀況。

同埋亦都想解釋返,即使你嚟緊做測試發現有性病感染,都唔可以証明一定同呢一次嘅性行為有關。因為性病有潛伏期,而且有啲人感染性病之後並無病徵,有機會係之前感染咗但一直都無發現。所以先會建議要定期做測試。

某啲機構(例如關懷愛滋)有免費嘅HIV同梅毒測試,如果你覺得唔需要做全面測試,只係驗部分性病已經足夠,你都可以去預約。

咁假如佢隻手唔干淨幫我手淫,會唔會有機會有性病?

Hello, 你提到當日對方幫你手淫,如果對方嘅手係冇開放性傷口(流緊血/有破損),咁手淫嘅過程都係好低風險嘅。所以你呢一次嘅性接觸感染性病嘅風險好低,唔需要擔心。

手淫實際上感染性病風險好低嘅,不過性病疣、疱疹仍然可透過皮膚接觸而受到感染,例如直接接觸口部、陰莖或肛門上嘅傷口。感到擔心建議使用安全措施例如安全套,係正確同性行為全程使用嘅情況下能夠提供預防性病效果。

同埋另外我奶佢乳頭果陣,我口入面有一兩粒痱滋,會唔會有增加風險?

Hello, 口腔屬於比較脆弱嘅黏膜組織,痱滋可以視作口腔黏膜有破損或傷口,如果傷口接觸到高風險體液就會有性病風險。不過你只接觸對方乳頭,不存在高風險體液所以風險低。

如果佢乳頭上有hpv,hsv,係咪都有可能感染?

Hiv 接觸空氣好快死,hpv hsv 會唔會都係咁呢?

如果佢乳頭上真係有HPV或者HSV,應該都會有好明顯嘅皮膚潰爛,或者水泡,或者痂等。你可以諗清楚對方乳頭有冇見到相關嘅癥狀。

當然,如果你真係擔心嘅話,都會建議你去做返性病測試。詳細你可以睇返上面同事所講