加德納菌斷尾

我係男性 我想知道感染左加德納菌之後會唔會完全斷到尾

頭先醫生話冇病徵就唔需要治療 但將來仲會有機會出現病徵

我唔放心都叫佢開左藥先 咁佢就開左Flagyl比我

另外都想知有冇咩渠道可以搵到專業人宜諮詢

Hello, 加德納菌其實係陰道加德納菌(Gardnerella vaginalis,GV)係一種常見於陰道嘅細菌,所以佢並唔會出現係其他身體器官,主要通過性接觸傳染。正常狀況下對人體冇害,但當遇到生病,天氣炎熱潮濕等情況,就有機會大量繁殖,造成感染。所以除咗藥物治療,日常性器官清潔,同埋衛生習慣都好重要,係兩者配合。

而經常聽到好難斷尾 / 好返之後又再復發,除咗有冇按照醫生提供嘅用藥指引連續服食,直至療程完成。另外係因為有好多人都忽視咗性器官清潔同衛生習慣,導致一直到未能夠斷尾。例如喺炎熱潮濕嘅天氣,要避免着緊身嘅內衣褲,而且沖涼嘅時候,有冇正確清洗性器官,沖完涼之後都應該等私密部位乾咗之後先着上內衣褲等嘅衛生習慣,確保性器官保持乾爽,避免細菌滋生,其實都好重要。

當你將來有任何病徵,就要及早告知醫生,例如痕癢的部位,諮詢醫生是否需要改變治療方案,如轉藥及處方藥膏搽患處等。相信如完全按照醫生處方的用藥指引,應可以完全根治,不用太擔心的。

第一次聽到有呢種細菌,google咗完來男女都會受感染,感謝你嘅分享,同時衷心希望你早日康復:pray: