有啲擔心點算

照計時間呢個星期應該係排卵期,而星期日嘅時候同男朋友做咗一啲親密行為,但係性器官就冇直接掂到對方,只不過嘅男朋友嗰啲前列腺精液會點到落我個陰道入邊。之後就開始有啲焦慮。跟住我哋分泌物就開始變啡色,我記得好耐之前都試過呢一種情況又係好擔心好擔心,跟住分泌物就變咗啡色。我都有懷疑過,其實我個身體係好受心情影響
另外就係呢幾日都有呢個情況

你好

首先,性器官無直接接觸嘅話,懷孕機會係相對地低嘅。如果你仍然擔心懷孕,可以喺性行為7日驗孕,可以獲得初步嘅結果,喺性行為11日後驗孕,就可以有準確結果。

假如未準備好面對意外懷孕嘅風險,我哋都建議使用安全措施,例如安全套、避孕藥等,可以大大減低懷孕機會。

見到一直都好擔心流啡嘅情況,唔同原因都可能導致流啡嘅。

見到你都提到最近精神壓力比較大,都有機會導致內分泌失調嘅。而內分泌失調亦係引發月經失調的元兇之一,同時亦會導致啡色分泌物嘅出現。你可以睇醫生,再同醫生商討下可以用咩方法去調節。

另外都有可能係排卵期出血。係到都想分享下排卵期出血嘅原因,當卵巢排卵後,黃體素濃度唔足夠時,子宮內膜可能會有微量剝落,出現少量出血或咖啡色嘅分泌物,形成「排卵期出血」。 當黃體素濃度穩定之後,出血嘅狀況就會自行停止,一般維持兩至三日,血量較少,都係正常生理現象~

見到過往都出現過類似嘅情況,令你十分擔心,唔知你有冇考慮過睇婦科醫生?可以詳細了解返自己身體嘅情況,相信都可以令你更加放心~