上月漏食一次事前對下月月經影響

我女朋友食開21粒事前避孕藥,但上個月佢漏食咗成個cycle嘅最後一粒(之前頭20粒都係準時±1小時服用),佢喺原訂時間食最後一粒之後12個鐘左右,先醒起同補食返最後。雖然漏食咗一粒但幾日後佢都準時嚟m,嚟完m後亦都按原定日期開包新避孕藥食,開咗新一包避孕藥都有keep住無套性行為。

我地最近一次嘅性行為係4/7,但今日佢發現有一啲淺粉紅分泌物,想問吓會唔會好大機會有咗?而家我地好驚係咪因為漏食咗一次避孕藥而導致咁。。。唉而家都好亂
同埋漏食咗一次後有準時嚟m,會唔會影響下個cycle嘅嚟m日子同避孕功效?

Hello~ 其實嚟咗月經就已經代表冇懷孕,所以目前出現嘅淺粉紅分泌物係唔關上個週期漏食事嘅~

至於粉紅色分泌物嘅原因,較常見嘅係就嚟嚟月經、陰道或外陰有受傷或者著床性出血,如果你女朋友喺嚟經後都有準時服藥,食完亦冇屙嘔,懷孕嘅可能係非常低嘅,如果擔心都可以喺性行為後7日驗孕,可以獲得初步結果,喺性行為後11日再驗就有準確結果~

少見啲嘅原因會係一啲婦科狀況,所以如果嚟緊幾日都仲有粉紅色分泌物,或者有其他不適,可以去諮詢醫生嘅意見~

請問著床性出血係咩嚟,同埋個成因係點㗎?
同埋如果受傷嘅話點解唔會性行為後即時見到,而係性行為後2日先見到嘅 :face_holding_back_tears:
thanks

Hello~

著床性出血係指當受精卵着床喺子宮壁嘅時候有機會造成嘅少量出血,通常只會有幾滴或者最多一塊護墊可以承載到嘅血量,而且係一次性,唔會持續地出血幾日,血嘅顏色亦會同月經嘅唔一樣。一般由受精到着床大概係性行為後六至九日就會發生,着床性出血並唔係一個常見嘅現象,亦都好容易同排卵期出血、陰道擦損出血等情況撈亂。

至於點解陰道擦傷唔係即刻睇到呢?因為喺擦傷後,陰道輕微岀血,隨住分泌物流岀體外,所以就未必其他傷口一樣,整親後立即見到血。

不過正如上面同事所講,如果粉紅色分泌物嘅情況持續岀現,建議睇醫生,了解番身體狀況

假如你好擔心今次性行為會導致懷孕,你可以喺月經7日後進行驗孕,可以獲得初步嘅結果,如果喺11日驗孕,就可以有準確嘅結果。

好,唔該!