虛驚一場?

我平時喺屋企去廁所都會坐喺度
今朝唔知點解覺得痛 係下腹痛? 我都唔識形容
而且係坐咗好耐
因為嗰種痛係一陣陣?一股股?
即係本身其實開頭屙得好順暢
但之後再想屙乾淨嘅時候就會feel到痛 跟住有幾滴 但覺得未屙完 於是繼續坐 呢段時間冇痛 之後又突然痛 又有幾滴 之後都係覺得仲有 又坐 坐嘅期間唔痛 突然痛 有幾滴 循環咗幾次

之後晏啲就企喺度屙 又冇事喇喎 跟住就成日都冇再痛
以前一直以嚟都冇試過咁樣
嗰陣好驚唔知係咪有啲咩結石
定其實會唔會喺坐喺度壓迫尿道?

Hello, 你嘅情況雖然換咗排尿姿勢就無痛感,不過下腹突然痛依個情況需要注意,好多疾病都會導致依個情況嘅,除咗你提到結石情況外,可能還有其他原因引起類似嘅症狀,例如膀胱炎、尿道感染等。建議你及早搵醫生諮詢同檢查身體,咁先可以清楚了解身體狀況,可以確保及時治療同減少不適。

至於坐喺度去小便排尿會順𣈱啲,減少咗餘(殘)尿,仲比較衞生整潔啲。不過都有須要注意嘅地方,就係坐姿同坐嘅時間,當坐姿唔正確或坐得太耐,會令到尿道彎曲或受到壓迫,咁就影響尿液嘅順暢排出。

當尿道受到壓迫時,可能會出現以下情況:

  • 尿流變得唔順暢或流量少咗。
  • 可能感到排尿唔完全或排尿困難。
  • 可能增加尿道部位嘅不適感或疼痛感。

建議係排尿時盡量保持舒適嘅姿勢,避免過度壓迫尿道,以確保尿液能夠順利排出。