安全套戴反咗

7月9號晚同男朋友有sex,戴套嗰陣發現比平時難戴咗,但都套得住,所以就冇為意。過程中都冇feel到有脫落嘅情況。而射精之後掹出嚟都有捉實安全套底部,見到精液都係安全套前端,冇流出跡象。注水測試嗰陣都見到個套冇爛,但當時就發現原來戴反咗。計返日數,15號就係排卵日,10號開始就係受孕期。所以依家諗緊應唔應該睇醫生同食事後藥。不過又覺得嗰套雖然掉轉咗,但都發揮到佢Physical barrier 嘅作用,咁其實係咪都仲有避孕嘅效果?因為我之前食過事前避孕藥,食完之後個人好抑鬱。最後調理咗年幾兩年先好返。所以都好驚,好擔心事後藥會更加影響我身體狀況。
多謝你睇到呢度同埋多謝你嘅解答!:pray::pray:

Hello 一般嚟講,如果安全套冇正確咁使用嘅話,係會影響到個避孕功效嘅。

而你嘅情況,如果你真係確保得到安全套係照樣帶到落陰莖根部,而發生性行為嘅時候安全套係冇穿到,射精時亦都冇流出嚟嘅話,咁照常理,就好似你所講咁,嗰套雖然掉轉咗,但都發揮到佢Physical barrier嘅作用,令精子冇辦法進入陰道嘅。但必須提醒,呢個都唔係一個理想嘅做法同情況,都會建議下次用安全套前留意返正反面。

如果你係有擔心嘅話,都會建議你睇醫生,再睇吓需唔需要食事後藥。而事後藥的確係比較高劑量嘅荷爾蒙藥物,對身體嘅影響可能會比較大,你唔會出現頭暈、頭痛、乳房脹痛等。不過副作用就因人而異嘅,有啲人可能比較大,有啲人亦都可能完全冇副作用。所以呢個情況就要交返俾你去判斷啦。

另外,都可以喺發生性行為之後11日用驗孕棒驗孕,到時嘅結果就會係客觀準確嘅。

希望解答到你嘅問題