你好吖，我喺7月9號同女朋友太衝動無用安全套插入左一下，之後我就推開左佢，因為我都好驚，之後發現我龜頭有啲尿道球腺液喺度。
之後我就不停上網了解左好多關於尿道球腺液嘅野，但係關於尿道球腺液有無精子好似見到有不同嘅結果，有啲報告就話無，有啲報告就話有，而有嘅原因係因為上面次射精後遺留喺尿道嘅精子或者有啲精子唔覺意走左岀黎，想問下呢個講法係唔係真？因為我對上一次射精已經係唔一個星期前嘅事，想問下咁我嘅尿道球腺液裏面有嘅精子含量同機率會比較少？
另外想問下尿道球腺液就算真係有精子，但係佢嘅含量係咪真係會足以令女方懷孕？我知道只要一條精子已經可以懷孕，但係想問尿道球腺液可以令女方懷孕嘅呢個講法係咪其實係機會上嚟講係有機會，但係機率好低？因為我只係插入左一下就即刻拎岀黎，到而家都好後悔。我上網睇左不同嘅資料，但係都係好驚，我會同女朋友喺性行為7日同11日後進行驗孕。但係都想喺度問下意見同想知道我嘅情況懷孕機率大唔大？
之前有諗過同女朋友去睇醫生攞事後丸食，但係女朋友話事後丸好傷身所以就無去睇，到而家都會後悔。
求解答
粗體字
Halo
聽得出你好擔心，亦都搵咗好多唔同嘅資料。最直接答你先，如果你有無套嘅插入式性行為，咁就已經會有一定嘅可能性會有意外懷孕
唔會因為話時間長短而機會就低啲咁，不過的確尿道球腺中所含有嘅精子數量係比較少嘅，但正如你想講，一條精子都有機會懷孕，所以我都只可以講有呢個機會而懷孕。
關於尿道球腺液，其實就係陰莖係性興奮時流出嘅一種體液，所以並唔係因為「上次射精遺留係尿道嘅精子」；就算你對上一次係幾時射精都好，只要有性興奮時就有機會有嘅一種分泌物。正如上面所講，尿道球腺液內本身已經有少量嘅精子，所以如果有進行過無套性行為，就有機會會有意外懷孕嘅可能了。
我諗呢刻嘅你都真係會好傍偟同緊張，不過其實你已經處理得好好，有同另一半好好溝通，亦好努力搵到驗孕嘅時間等既然呢刻已經同另一半都決定咗唔食事後藥嘅話，咁真係只可以等7/11日後做驗孕了。不過，我都可以提供多少少資訊，其實依家部分藥可以做到最遲性行為後120小時內食事後藥，但的確愈遲食個效果愈低；另外，雖然事後藥嘅副作用的確較多同較大，不過如果唔係經常服用，又真係好好好驚，都可以考慮。但當然始終食藥都唔係單方面嘅決定，最緊要真係雙方好好溝通，同尊重大家諗法
緊張都係人之常情嚟🫶🏻但都唔好太過擔心而只係諗住呢件事呢排不妨去做下其他嘢分散注意力先，等過幾日後驗孕吧～
唔該晒你吖
呢幾日都真係好擔心，所以想問下如果喺性行為7日後驗孕岀黎個結果係唔係已經好準確，會唔會喺11後驗又會有唔同結果