我中左淋病，去左社會衛生科打左針
咁就好返？
唔洗再check?
佢叫我三個月後覆診再驗血就可以
心急人上
淋病能夠透過服用抗生素，及定時配合醫生的跟進檢查，達致徹底根治的狀況 。你提到嘅打針好大可能係接受抗生素注射。
要留意嘅係，即使症狀無再出現，並唔等於完全康復。依然係需要定時接受醫生嘅跟進檢查，先能夠達致完全徹底根治，所以社會衛生科叫你三個月後返去再檢測。
徹底根治後，體內嘅非淋、淋病細菌理應係已經全部被殺滅，唔應該會再出現相關病徵（例如尿道流出明顯液體、小便灼痛）。
姐係打完抗生素7日後，
我到唔會知根治未？
咁會好壓力wo
要三個月後先知
Hello, 明白你對於感染淋病感到驚慌同有壓力，不過都想話俾你知，淋病本身係嚟自細菌感染，經治療係可以完全痊癒，亦唔容易復發嘅，所以唔係會跟一世或斷唔到尾嘅事情。正如我地同事所講需要定時接受醫生嘅跟進檢查，先能夠達致完全徹底根治，所以唔太需要擔心架。
提醒下係治療期間有需要留意嘅地方：
- 必需根據醫生指示服用整個療程，先可以有效根治淋病，千祈唔好自行斷藥。
- 建議性伴侶同時接受檢查或治療，避免交叉感染。
- 治療期間應避免有任何性接觸，直至醫生證實完全痊癒，先可以回復性行為。
- 康復後都須要接受醫生跟進檢查。
最後，安全性行為可以預防淋病感染，例如係性行為期間正確全程使用安全套。