前幾日因為好奇去咗樓上骨
過程只係無套手淫，以及掂咗一下對方陰部
雖然暫時冇乜不適，但係上網睇過好似要可能一個禮拜後先會有病徵。
而家每日都好擔心，好驚
要自己一個擔心面對好焦慮，成個世界灰咗咁
想問下就我這個情況中性病的機會大唔大？
你好，都明白進行過不安全性行為後係會有擔心，所以無論如何進行任何形式既性行為最安全都係應該要採取安全措施。不過就你既情況，因為只係主進行過手淫，而手淫過程中並無體液交換，所以感染性病既機會係好低。除非對方係成手陰道分泌去為你手淫，否則應該無咩體液交換，所以你唔使咁擔心。
不過如果你仲係好唔放心，你可以係空窗期後進行各種性病既檢測，大部份係性病空窗期都係大概4-6個星期，你可以係第4個星期後去政府既社會衛生科做檢測，咁就更放心。
多謝你回覆
呢幾日真係好焦慮好辛苦
想搵人傾吓又唔知邊度搵
而家最怕係中hiv或者hsv2
以後都唔會想再去
試過呢一次已經驚到幾晚都瞓覺扎醒
每日都提心吊膽
真係唔知點捱到去空窗期之後去check…
我諗都真係擔心嘅
仲要因為咁訓得咁差實好攰
不過如果就性病嚟講，如果無直接嘅體液交換而只有手淫，其實感染機會都相對較低。就算感染性病，好多時係接受治療後情況都未去到想象咁灰當然擔心緊有嘅，所以你都可以諗啲可以放鬆下心情同分散下注意力嘅活動做下，等自己都減少放大呢種焦慮感覺嘅機會～