做愛問題 太耐先射

我係男我今年31歲
我之前冇性行為經驗
啱啱我同女朋友做愛嗰陣
做愛嗰陣要做到好耐先射到
差唔多可能要一個鐘
其實都好影響我地嘅生活我係男同關係
我應該都大概估到個問題係
之前我自慰嗰陣可能用得太大力捉得太緊
應該係我自慰嗰陣用得太大力捉得太緊
所以真係同女朋友做愛嗰陣就冇咩感覺
想問吓有冇啲方法可以解決?
唔該

Hello你好啊

射唔出有好多因素有機會影響到,生理方面,身體結構出現問題導致性功能出現異常(例如糖尿病、心血管疾病等),或者正服用緊藥物(例如降血壓藥、鎮靜劑等),都有機會影響射精嘅情況。

心理方面,有時太擔心自己唔能夠射出,或者性表現唔夠好,其實無形之中都會比左自己壓力,難以專注於當下與女朋友嘅親密接觸。越焦慮壓力就會越大,亦會影響到射精嘅情況。所以放鬆心情,專注與當下與女朋友之間身體及心靈上嘅交流,都好重要 ,可以嘗試透過增加前戲嘅時間、播音樂或者試下唔同嘅環境氣氛,幫助到自己放鬆心情,希望有助你更投入於性行為嘅當中,增加刺激嘅感覺啊。

其實生活習慣、情緒、體力等等呢啲好多都會影響到陰莖嘅硬度同持久度嘅。

性行為中好重要嘅係大家都享受同投入,高潮唔係必然嘅目標,插入唔一定係最重要嘅,有適當嘅前戲同afterplay都好重要㗎!可以更加了解對方嘅喜好、敏感點,刺激身體反應同感受,令身心準備投入性行為,亦都可以建立更緊密關係,明白你都希望可以令對方喺過程中感到滿足,可以參考吓我哋Instagram呢個post關於前戲,前戲如前菜 12

除此之外,都有可能過往自慰嘅時候,已經較掌握適合自己嘅速度、力度,以及知道自己敏感嘅部位,所以相較於放入陰道,可能會覺得自慰嘅刺激比較大,依個情況可以嘗試透過同對方溝通,令你了解或者一齊探索大家身體敏感嘅部位,試下唔同嘅姿勢,了解下對方/自己身體嘅敏感部位,或者自慰時,咩動作、部位會舒服啲咁,慢慢搵一個雙方都覺得舒服嘅節奏,都有機會幫助到對方增加生理上嘅刺激。

首先好多謝你嘅回答
我覺得我就應該係心理問題我會聽你方法同埋自己都諗吓點樣改變自己嘅心理問題

另外我自慰嘅力度太大力太急
我係咪喺應該喺呢方面改變
會唔會喺自慰嘅方法會改變一下?
可能細力啲或者冇咁急
定係有冇啲特別嘅方法可以用或者改變

Hello

係自慰方法方面,都可以試下唔好咁用力,慢慢改變。不過每個人身體都唔同,冇話點先係標準嘅,最重要都係搵到適合自己嘅方法。

其實好多人喺一開始真係發生性行為時候,都會有焦慮或者壓力等等嘅心理因素而影響到嘅,所以你都唔係孤單㗎。最後有改善就好啦 :smiling_face:

希望幫到你