我對上一次嚟M 係1/7
喺8/7有性行為過（冇戴套 外射
13/7-22/7發現有深啡色分泌物同少量血絲
上網search就話可能因為經期沒有排乾淨，所以隨著陰道分泌物流出
18/7都有性行為過（冇戴套 外射
7/8早上 用驗孕棒驗過係一條線
正常我應該28/7-31/7會嚟m但係而家遲咗一個禮拜都未嚟
最近都腹痛 便秘 想嘔 胸脹痛 嘅症狀但係又谷唔到M
所以究竟係我身體出現問題定有咗？
Hello 相信你嘅情況都唔係懷孕嘅，你嘅身體狀況都有機會係谷緊M。
因為只要係性行為11日或之後驗孕嘅話，得到嘅結果都係準備嘅。而你有係8月7號驗過孕，如果當時你有正確咁驗孕，又驗到係陰性嘅話，咁都代表你之前發生個2次性行為都冇導致懷孕。
不過都提醒返，其實你個2次性行為都唔係安全性行為，因為陰莖性興奮時會分泌尿道球腺液，都有機會會有精子，所以你哋冇用安全套，即使係外射都好，都係有風險嘅。所以下次發生性行為又唔想事後咁擔心嘅話，最好就做返安全措施。
至於你講個啲身體情況，都係經前症狀，都有機會係就快嚟m。其實月經會因為好多唔同原因而受影響，有時可能會早咗或者遲咗一兩個星期，例如生活作息、飲食習慣、情緒壓力等等，所以都唔洗太擔心。
希望幫到你