今年二十幾歲男，無性經驗。由細到大都係包皮過長既情況，未勃起時正常可以反，勃起後就反唔到。一直以來都唔覺得需要處理，因為清洗無問題，自慰亦可以隔住包皮。但現在有d擔心第時如果要同伴侶sex咁點算。
想問問意見:
1)如果戴左condom再隔住包皮情況下插入，其實係咪做唔到愛/會感受不足?
2)我應該同伴侶嘗試左先，定係直接割包皮呢?
3)其實單純因為性需要而割包皮係正當理由嗎? 咁問係因為我早前已經有搵過醫生表達我既情況，但個醫生好似唔太明白我既擔憂咁，只係keep住話係醫學概念上只有包皮太緊而清洗唔到先算係醫療上既需要。佢冇唔俾我割，但咁樣既feedback確實令我有d卻步。其實下下要同人解釋點解我有呢個煩惱。。本身都已經係一個煩惱。
Hello你好啊
包皮嘅作用係保護龜頭，避免摩擦，同埋減少細菌接觸尿道口。正常嘅包皮可以上下移動，露出龜頭，俗稱「反包皮」。
其實平常未勃起嘅時候，龜頭會比包皮包住係非常正常嘅事嚟㗎，假如係完全勃起咗之後，龜頭都冇辦法露出，先至係包皮過長。
1）喺發生性行為時，如果勃起時，龜頭完全被包皮包住，的確係會相對無咁敏感咁，但唔代表係完全無感覺嘅。
2）當然，可以同另一半先嘗試發生性行為，互相了解對方嘅身體，放鬆心情，專注與當下與另之間身體及心靈上嘅交流，都好重要 ,可以嘗試透過增加前戲嘅時間、播音樂或者試下唔同嘅環境氣氛，幫助到自己放鬆心情，希望有助你更投入於性行為嘅當中，增加刺激嘅感覺。
性行為中好重要嘅係大家都享受同投入，高潮唔係必然嘅目標，插入唔一定係最重要嘅，有適當嘅前戲同afterplay都好重要㗎！可以更加了解對方嘅喜好、敏感點，刺激身體反應同感受，令身心準備投入性行為，亦都可以建立更緊密關係，明白你都希望可以令對方喺過程中感到滿足，可以參考吓我哋Instagram呢個post關於前戲:
https://www.instagram.com/p/CGpLUl2jJW-/?igshid=MDM4ZDc5MmU%3D&img_index=1](https://www.instagram.com/p/CGpLUl2jJW-/?igshid=MDM4ZDc5MmU=)
3）想了解多少少你嘅情況係唔係勃起之後包皮依然會完全遮掩住龜頭，而你用手輕輕反開嘅時候都會有拉扯住嘅感覺？如果係嘅話有機會係有小小包皮過長嘅情況，喺你嘅情況中，假如覺得係唔方便或者難清潔，有積埋污垢嘅問題，咁都可以選擇去割包皮嘅，以免日後有細菌感染嘅情況。
不過都建議你去睇醫生評估下有無需要割包皮。現時某啲診所，醫療中心同家計會都有提供呢個服務，關於家計會服務你可以參考：https://www.famplan.org.hk/zh/our-services/clinic-services/men-health/circumcision/content](https://www.famplan.org.hk/zh/our-services/clinic-services/men-health/circumcision/content)
勃起時，蓋住包皮能夠自慰射精未必係代表正常情況。在正常情況下，勃起時龜頭會正常地露出，包皮會退後。因此，勃起露出龜頭，直接用手刺激龜頭而產生快感射精，與隔住包皮磨擦而能射精，是兩碼子的事。當然，在正常情況下，帶避孕套做愛時，亦需要避孕套蓋住完全勃起露出的龜頭，才能正常地做愛。因包皮過長而在陰莖勃起時上下晃動包皮，可能在做愛過程會增加避孕套滑出的風險（你自己亦可試下帶著避孕套手淫，看看包皮與避孕套接觸時滑動的情況）。
有否試過在軟下來的情況下，反開包皮露出龜頭，再拉住包皮不放，刺激龜頭讓陰莖完全勃起？這樣的話，包皮會否有卡住不舒服的情況？
若你所述及的醫生不太明白你的狀況，可尋求第二個甚至第三個醫生的建議。當然，包皮過長的處理方法通常是去割包皮。割包皮不失為一個好的方法。一來易於清潔龜頭，二來當龜頭習慣了和外界磨擦後，龜頭的感覺會變遲鈍了，因而可以延遲射精的時間。
首先，你暫時唔使太擔心性行為既問題，因為正如同事所講，有包皮隔住都唔會無感覺，都可以係性行為時得到快感的。
不過如果因為包皮問題係性行為時有拉扯感覺／痛感，咁就有問題同會影響性行為啦！正常情況勃起後，龜頭係會半露出／完全露出，即使包皮過長應該都用手可以做到龜頭露出，如果你係勃起後龜頭點都不能露出，可能你既問題係包皮過窄，以致當陰莖充血後龜頭不能通過包皮而露出，建議你可以循包皮過窄既方向，向醫生查詢，說明軟時同勃起後既龜頭露出情況，相信醫生會準確評斷到你既情況。