之前同女朋友嘗試第一次，我戴套嗰陣時戴反轉戴咗掂到龜頭一下，然後我再轉返正面戴落去，當時冇為意，但係因為緊張淨係放咗個頭入去，之後有用手指幫女朋友，第二日有啲驚會唔會帶咗啲前列腺液入去有咗，12日之後佢嚟咗M，日子同佢平時嚟M周期差唔多，同正常嚟M一樣，都係第二三日最多血鮮紅色，持續咗六日，想問咁樣係咪代表佢冇懷孕？定係有冇可能係着床性出血？
你好，如果係性行為之後係有月經到，就代表無懷孕唔使擔心㗎啦！著床性出血唔係咁，只係會少量出血，並唔會出血出幾日的，呢一次係正常月經嚟，所以可放心。
不過都提醒一下，日後如果果反轉咗安全套戴，而套又已接觸到陰莖，記得唔好就咁反轉反正面照用，因為真係有機會帶有一啲有精子既分泌的，咁樣就會直接將精子帶入陰道，係會有懷孕風險㗎。正確應該係即時換一個新既安全套，掉左反轉左個套唔好再用。
你可以參考下點樣正確使用安全套，安全套正確使用方式可去呢度參考：https://www.instagram.com/p/B4EX0FVFLUf/?igshid=YmMyMTA2M2Y%3D