我本身食咗半年避孕藥（yaz），最近一個月遲咗一日開藥食，有補食返，但最近流咗一個禮拜啡，係咪關開藥遲咗事？定係有咗？需唔需要去睇一睇醫生？
Hello~如果你只係遲一日，喺唔超過24小時内補食返，咁就唔需要擔心懷孕嘅可能，因爲體內嘅避孕藥水平仍然足夠發揮避孕作用。至於你問點解會流一個禮拜啡，其實係因為避孕藥係人造荷爾蒙，用作取代自然周期，而停藥期間，荷爾蒙水平逐漸回落，刺激子宮內膜出血，亦即「撤退性出血」，而流啡只係經血氧化，變成啡色逐部流出，所以唔需要太擔心。
如果係喺食緊有藥性嘅藥期間流啡，有機會係適應期導致嘅副作用，亦可能因為有漏食一日，但都係正常嘅情況嚟嘅～ 但如果流啡情況持續，就可能要睇下醫生，睇下有冇更適合你嘅事前藥牌子喇～