你好，我大約兩星期前驗到中咗加特納菌同微小脲原體兩隻菌，前後睇咗兩個醫生食咗三種抗生素一星期。
完成療程一星期後，大部症狀有好轉，唯獨是睪丸會陰同尿道反反復復有輕微不適感同冤痛，一時又冇事，同大髀肌肉內側繃緊。
假如清得曬啲細菌，呢啲症狀會大約持幾耐先會清除？
同埋我想問會唔會有可能抗生素清唔曬啲細菌？如果清唔曬，會唔會變成睪丸炎、前列腺炎、膀胱炎？
我好焦慮同對我日常生活好有影響，麻煩晒
Hello你好啊
見到喺完成療程後，身體狀況有好轉，都係好事嚟！了解到仲有少少唔舒服，始終每個人身體狀況都唔同，我哋亦唔係最了解你身體嘅人，好難判斷到底呢啲情況會持續幾耐，但係如果情況變得異常，我哋都建議可以睇醫生複診。
非淋病尿道炎透過服用抗生素，及定時配合醫生的跟進檢查，達致徹底根治的狀況，要留意嘅係，即使症狀無再出現，並唔等於完全康復。依然係需要定時接受醫生嘅跟進檢查，先能夠達致完全徹底根治 。徹底根治後，體內嘅非淋、淋病細菌理應係已經全部被殺滅，唔應該會再出現相關病徵（例如尿道流出明顯液體、小便灼痛）。