PS：我8月3號嚟m 上個個就7月5號嚟m 月經週期有試過早&遲 琴日朝早10幾-11點幾同男朋友進行性行為 起初只係無套摩擦（冇隔住底褲）之後佢插左入去兩下冇射 之後有去青少年保健睇醫生拎72小時內嗰種事後藥當日6點係醫生面前食左 雖然食左藥但都驚9月冇嚟m
補充：插左兩下之後就掹咗出嚟 佢諗住再插但入唔到
你好，想講解返事後丸原理。事後丸含有高劑量人造荷爾蒙，透過唔同嘅途徑去緊急避孕，包括：抑制排卵、增加子宮頸黏液分泌令精子難以通過、改變子宮腔環境令受精卵難以著床。即係話無論你排咗卵未，喺指定時間內服食時後藥，都能夠有效避孕嘅。
另外，要留意事後丸係唔可以作為常規嘅避孕方法，只可以作為一種補救措施，且其避孕有效性遠不如其他規律使用嘅荷爾蒙避孕法（如避孕藥）。而喺服用緊急避孕藥之後，呢個月經週期剩餘嘅時間，同埋之後嘅日子，都一定要使用其他高效嘅避孕方法先可以避免意外懷孕。
好知道 本身我哋平時都會用安全套 不過嗰日就。。。
而且係第一次食事後丸所以有啲擔心
再補充：食完事後藥之後嘅3個鐘冇嘔冇屙
同埋至到2號為止都未嚟m，我記得醫生話9月11號都未嚟就要check下。咁我係咪應該唔好咁擔心應該等下先？
依段時間都冇啡色血嗰啲出現 咁會唔會係冇着床出血？
Hello, 明白你感到擔心同焦慮，根據你嘅情況懷孕風險極低嘅，唔使擔心~
只要喺性行為進行之後，72小時內，或者120小時服用由醫生處方嘅事後丸，服用藥物2小時內如果冇出現嚴重嘅副作用（例如嘔吐或者肚痾，令身體有機會排出藥丸）嘅話，其實事後藥都會喺身體發揮作用~ 呢點可以放心~
事後丸嘅其中一個副作用影響下一次經期提早或廷遲，因為有機會事後避孕藥內含有嘅荷爾蒙影響你嘅身體嘅分泌，所以可以參考醫生建議如果9月11號月經仍未有就去醫院檢查。
去到9月11號都仲有一段日子，仍然擔心建議驗孕，性行為發生後7日驗孕，可以獲取初步嘅結果；11日後驗孕可以獲取準確同可靠嘅結果。驗孕棒嘅原理喺透過檢測尿液中嘅HCG(人絨毛膜促性腺激素)含量嚟判斷有無懷孕，因為只有受精卵成功著床嘅女性身體先會會開始分泌HCG，通常著床時間就會係6-9日，所以性行為發生後11日就可以驗孕，得出準確嘅結果。
而「著床出血」唔一定喺懷孕出現嘅狀況，並唔係一個常見嘅現象，即使真係因為懷孕都係只有少部分女性會出現嘅情況。當中嘅原理喺係指當受精卵着床喺子宮壁嘅時候有機會造成嘅少量出血，通常只會有幾滴或者最多一塊護墊可以承載到嘅血量，而且係一次性，唔會持續地出血幾日，血嘅顏色亦會同月經嘅唔一樣。
你哋之前嘅討論 有一個係內射之後發現安全套穿左 3個鍾後食左事後 但最後都係有左 我睇左之後好驚自己都會咁
驗孕嘅話我諗住12號驗 因為我諗住等佢睇下佢會唔會嚟m 我會盡量保持冇咁驚希望唔會影響到嚟m
今日晏晝先約4點幾嗰陣發現底褲有少少啡色嘅分泌 不過之後去廁所嘅時候發現冇再出現類似嘅分泌 依啲會唔會係就嚟m嘅跡象定係着床出血？
我想附上圖片但我唔識點upload
好對唔住呀要你哋係咁睇我message 同埋覆我
Hello 唔好意思 咁遲先覆你
你講嘅情況係極少數極少數機會會出現，而且每個人情況都唔同，好難一概而論。
至於你而家嘅情況都有機會會係嚟m嘅跡象，如果之後嚟咗m就代表冇懷孕啦！ 
當然如果真係好擔心，都可以好似上面同事講咁驗孕，咁都可以令你放心啲 
至於著床出血，其實係好少數嘅情況嚟，出血量都係好少量嘅點滴出血，你都可以留意下自己係咪咁
希望幫到你
岩岩發現有紅色血跡分泌 咁應該係嚟m？
唔同琴日嗰啲淺啡色 係明顯嘅血色
正如同事所講你應該係月經，呢兩日應該係會正常流量。
好多謝你哋幫我解答問題 我依家見到都係同平時差唔多嘅流量 咁我都放心曬