您好 小弟係上年九月中左右去過最後一次一樓一 肛交過程有用套 去完唔知點解覺得擔心就係兩星期後驗身結果中咗陰道加特納菌 最後食咗一個星期抗生素
但係到咗十月尾十一月頭左右龜頭就出現一啲紅點同異味嘅白色分泌物 唔知係咪同性病有關 但係都有去睇泌尿科
結果醫生都係開咗口服抗生素同類固醇藥膏俾我搽
不過效果都係冇咩好轉 於是我就再係今年一月去驗多次身 結果加特納菌都已經驗到陰性 同時都驗埋疱疹都係陰性
過多排就向中醫求診 食咗佢兩星期藥好過一排 之後都係反反覆覆咁覆發 到而家覺得龜頭紅點多咗 又覺得痕痕地
內心好傍惶究竟要去睇咩醫生好定係提高自己免疫力去斷尾？
Hello你好啊 感受到對於身體嘅情況好沮喪
就住你嘅情況，我地都建議再睇醫生，可以同醫生講清楚你過往嘅就醫經歷同埋服食過咩藥品等，令醫生可以再出一個準確嘅診斷。
生活習慣嘅改變都有幫助㗎，建議可以保持乾爽、清潔，沖涼時可以翻起包皮，用清水仔細清洗包皮及龜頭，唔駛用過多皂類清潔嘅，以免刺激到龜頭，造成龜頭紅腫及疼痛，然後再用毛巾將包皮擦乾，保持乾爽，咁就可以有助預防龜頭炎！當然啦，如果情況持續或者嚴重咗，咁就最好睇醫生啦。
多謝你嘅回覆，再想請問一下我應該要睇方邊一面嘅醫生？ 因為泌尿同埋中醫都睇過了 都想搵岩醫生去對症下藥
Hello, 龜頭炎反反覆覆情況係好令人困擾同辛苦。建議搵返相熟嘅家庭醫生，亦可以繼續睇泌尿科或者睇皮膚科。同返醫生講你嘅情況，向醫生提及你搽過咩藥膏，因為有機會係嗰隻藥膏唔適合你嘅情況，有需要轉換另一隻藥膏，同時都可以比醫生更加了解你嘅情況。
正如我哋同事所講要讓自己保持清潔衛生外，你都可以勤加更換衣物或者床單被鋪，著啲比較鬆身嘅下半身衣物等等，因為好多人會忽略咗除咗藥物治療，亦都要配合生活習慣嘅改變，咁樣兩方面嘅配合先更有效舒緩到個情況。
另外，龜頭皮膚長期受化學物品刺激例如番梘、洗衣劑等等都有機會引致持續發炎，可以用返一啲適合敏感皮膚或溫和沐浴露減低刺激。如果龜頭炎係由於皮膚受化學物品刺激而引起就要避免再接觸有關嘅化學物品。