見好耐都未黎m
接近都過一個月(大概40日)上個月係月中先黎
前日先開始出現少量啡色分泌物同極少量啡血
就諗住係黎m第一日就按指示食第一粒避孕藥
但尋日就直接無曬分泌物無曬啡血(但有繼續食藥)
請問係咪正常？我仲應唔應該繼續食藥落去
好擔心
PS.月頭有同男朋友係陰道附近摩擦，但無進入無射，咁會唔會有可能係pregnant
？暫時未買驗孕棒驗
1個讚
Hello, 月經遲嚟或者未到有好多因素影響，例如荷爾蒙水平、生活習慣改變、心理壓力大、生病服食藥物、長期處於擔心嘅狀態、壓力等。
雖然避孕藥好容易買到，但係每一款避孕藥都有唔同嘅劑量同成份，所以建議第一次食避孕藥之前要睇下醫生，但醫生評估下你嘅身體狀況係咪適合同埋適合邊款避孕藥，有啲人有心臟／腎臟／肝功能／免疫系統問題，就未必可以服食避孕藥。同埋持續服用避孕藥嘅話，都建議每年去睇一次醫生，睇下自己仲適唔適合繼續服用同一款藥。如果你第一次食之前冇睇過醫生，都建議你盡快去預約家計會診所／母嬰健康院／部分私家診所去諮詢下醫生意見。
你已經開始服用避孕藥，建議繼續按時服用，以保持荷爾蒙水平嘅穩定。避孕藥需要一啲時間讓身體適應。第一次食事前避孕藥，經期都有機會會有影響。所以你可以先食完呢一個月嘅藥再睇下身體狀況如何。
根據你所講嘅情況，無插入式性行為嘅話，懷孕風險係比較低嘅。不過男性係性興奮嘅時候陰莖勃起時會分泌尿道球腺液，裡面會有少量精子，都有導致懷孕嘅風險，如果陰部都有分泌液，係外陰摩擦嘅過程中尿道球腺液都有流入陰道嘅風險導致懷孕。
唔想成日擔驚受怕建議驗孕，因為驗孕係一個最直接知道有冇懷孕嘅方法。驗孕棒嘅原理係透過檢測尿液中嘅hCG (人絨毛膜促性腺激素)含量，當受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果，而係11日後驗孕結果就更加準確。因為hCG嘅分泌會隨著懷孕嘅日子增加。所以你於愈後嘅日子驗孕，就會因為體內嘅hCG會愈多，而愈容易得到準確嘅驗孕結果。
親密接觸係今個月月頭8號，
今日驗孕棒出黎係negative(都相隔起碼14日以上)，
咁基本上係咪都當無懷孕？
就算食左避孕藥而月經無黎到既話？
因為見月經一直無黎好擔心
Hello, 過咗14日以上驗孕結果係陰性就肯定無懷孕風險，可以放心啦～
而月經未到可能受到避孕藥影響嘅，服用避孕藥初期（大約1-3個月）係身體適應期，如果身體無嚴重不適，之後月經週期就會穩定較規律嚟M，唔使太擔心。