6月尾同女朋友性行為，保險套穿咗 內射咗， 72小時內食咗事後，女朋友7月頭嚟咗M，但去到宜家8月尾(即隔咗50幾日)都仲未嚟M。所以想問一下事後避孕藥的副作用係咪真係咁大，定係有懷孕風險？
Hello, 欣賞你同伴侶係發生咗唔安全嘅性行為之後，有即刻去進行補救措施係72小時內食咗事後藥，服用藥物2小時內如果冇出現嚴重嘅副作用（例如嘔吐或者肚痾，令身體有機會排出藥丸）嘅話，其實事後藥就會係身體發揮作用達到避孕效果。所以係無懷孕風險。
而月經遲嚟或者未到有好多因素影響，例如荷爾蒙水平、生活習慣改變、心理壓力大、生病服食藥物、長期處於擔心嘅狀態、壓力等。
關於保險套穿咗，有好多原因可以導致呢一個問題，例如購買左唔啱尺寸嘅安全套，或者戴反咗、安全套過期、用咗唔適合嘅潤滑或者唔夠潤滑、劑撕開包裝嘅時候太粗暴唔小心整穿咗等，都有機會造成安全套穿窿嘅情況。