食避孕藥大概都有一年，但呢幾排發現分泌物顏色異常，分泌物顏色係啡色，嚟完M都有一排，所以排除咗係嚟M前後嘅啡色分泌物
Hello
想問下會唔會有試過唔準時或者唔記得食避孕藥？因為有陣時如果冇跟時間食避孕藥，都可能會出現少少啡色分泌物嘅
如果冇特別話試過有以上情況嘅話，咁都可以觀察吓分泌物嘅情況有冇持續出現，或者變得嚴重。如果有以上情況嘅話，都會建議暫時停藥，或者睇醫生了解返情況，因為出現呢種分泌物可以係因為好多唔同嘅原因，好難一概而論。
另外因為你都已經食咗避孕藥一年，最好做法都係可以搵個機會睇一睇醫生，做吓身體檢查，了解吓身體係咪仲適合食呢隻避孕藥嘅。
希望有幫到你
平時都係10點準時食藥，但係有一次就遲咗不過都係半個鐘之內食咗，咁我想問如果冇準時食藥 但係嗰日又發生性行為無套並內射 咁樣嘅話唔準時食藥會唔會影響藥嘅效力？
你好，根據你既情況，身體既避孕能力係唔受影響既。因為你已經食左1年，一般服食避孕藥超過3個月藥效已經好穩定，只要你平時都準時食藥，漏食又記得補食就唔會有太大問題。就算間中有一兩唔準時食藥，其實係平時食藥時間兩小時內服食就唔算係遲食藥，當然係10點食藥保持返10點左右食就最好啦！
經過上次問完你唔準時食藥都會有流啡色分泌物嘅狀況 之後過咗幾日都冇再留啡色分泌物 但係前日同男朋友發生完性行為發現陰道有出血嘅情況顏色係粉紅色咁樣 之後過咗一日 去廁所發現陰道有啡紅色咁樣嘅血 另外腹部都有唔舒服嘅感覺 我想問咁樣嘅情況係咪應該睇醫生好啲
Hello~如果係發生性行為後出現粉紅色分泌物，應該係性行為期間造成嘅損傷出血，繼而喺第二日出現氧化後嘅啡紅色血液。如果有唔舒服嘅情況，我都建議你向醫生諮詢